Google: Biełaruskamoŭnyja? Paru hadoŭ pačakajecie
Śpiecyjalisty Google jašče ŭ 2009 hodzie abiacali adnavić biełaruskamoŭnuju viersiju mail.tut.by, ale nie śpiašajucca hetaha rabić.
Śpiecyjalisty Google jašče ŭ 2009 hodzie abiacali adnavić biełaruskamoŭnuju viersiju mail.tut.by, ale nie śpiašajucca hetaha rabić.
Žychar Baranavič Rusłan Raviaka nie raz źviartaŭsia da administracyi Tut.by, kab daviedacca, kali budzie adnoŭlena biełaruskaja viersija elektronnaj pošty. Administracyja tady adkazała, što viarnuć movu płanujecca ŭ samym pačatku 2010 hoda.
Kali ŭ 2009 hodzie kiraŭnictva Tut.by pačało vykarystoŭvać rašeńnie Google Apps dla arhanizacyi svajoj pošty, biełaruski interfejs źnik, i na listy ad karystalnikaŭ, administracyja Tut.by adkazała, što śpiecyjalisty zajmajucca stvareńniem biełaruskaha interfejsu, a sama administracyja ŭsialak im dapamahaje.
Ciapier ža, praz paŭhoda, administracyja Tut.by adkazvaje, što kampanija nie śpiašajecca zrabić biełaruskamoŭnuju viersiju, a Google ad prapanovy zabiaśpiečyć pierakład admaŭlajecca.
NN źviarnułasia pa kamientar da rasijskaha pradstaŭnictva Google.
«My viedajem pra toje, što karystalniki čakajuć biełaruski interfejs, i našyja śpiecyjalisty nad hetym pracujuć. Na žal, zaraz my nie možam nazvać nijakich kankretnych terminaŭ, ale abaviazkova paviedamim vam pra zakančeńnie pracy».
Moža być, prapanuje Rusłan Raviaka, varta zrabić kalektyŭny zvarot da administracyi Tut.by i Google, ad imia biełaruskamoŭnych karystalnikaŭ?