Lavon Volski: «Rok-n-roł budzie žyć viečna»

U Redakcyi «NN» prajšoŭ onłajn sa śpievakom.

Fota Alesia Pileckaha.

Oleh napisaŭ (ła)

Dobry dzień, Lavon. 1.U jakim stanie zaraz hurt NRM?

2.Ci budziecie vy vystupać na Płoščy 2010?

ŁV: Zaraz pakul kožny zajmajecca realizacyjaj svaich prajektaŭ. Ale heta nie značyć, što hurt skončyŭ isnavańnie. Dajcie čas. Nakont Płoščy — hledziačy pa abstavinach. Takija rečy nielha płanavać.

Amatar napisaŭ (ła) Žnivień 16, 2010 u 17:43

Spadar Lavon, karystajučysia mahčymaściu chacieŭ by padziakavać vam za vašu cudoŭnuju tvorčaść i za toj impet, ź jakim vy niasiecie biełaruščynu da ludziej!

Majo pytańnie da vas nastupnaje:

— Nie tak daŭno, vy vykanali pieśniu na słovy U.Niaklajeva. Heta zakranuła niekatoryja palityčnyja tusoŭki ŭ Biełarusi. Jak vy možacie prakamientavać hetuju padzieju? I jak vy staviciesia da kampanii «Havary praŭdu!»?

ŁV: Uładzimir Prakopavič paprasiŭ mianie napisać muzyku da jahonych słovaŭ i muzyka vielmi chutka napisałasia. Dosyć śpieŭna jon piša. A toje, što pieśnia zakranuła palityčnyja tusoŭki, nijak nie mahu prakamientavać. Samu dziejnaść kampanii nie mahu aceńvać, ja nie kampietentny ŭ hetym pytańni.

kalychanka napisaŭ (ła) Žnivień 16, 2010 u 18:21

Vitaju, Spadar Lavon!

Skažycie, kali łaska, jak Vy staviciesia da niehatyŭnych kamientaroŭ adnosna sioletniaha Basovišča, jakija tyčacca abmienu NRM na ŭbolšaści rasijskamoŭnaha Lapisa?

Ščyra kažučy, ja pazityŭnyja kamientary čytaŭ. Mnie padabajecca, što adbyvajecca na Basoviščy. Jaki-nijaki prahres.

Ci sapraŭdy prajekt Krambambula skončyŭ svajo isnavańnie? I kali tak, to čamu?

A chto skazaŭ, što prajekt skončyŭ svajo isnavańnie? Nieŭzabavie budzie internet-sinhł. Chutka my hrajem na «Navalnicy» ŭ Łahojsku. Pryjazdžajcie, pahladzicie. Inšaja sprava, što abnoŭleny skład. Ale heta taksama prahres, ja liču.

Anton napisaŭ (ła) Žnivień 16, 2010 u 17:59

Spadar Lavon, jaki ŭ Vas aŭtamabil?

U mianie prosty aŭtamabil. «Subaru Lehasi». Siedan.

Mikita napisaŭ (ła) Žnivień 16, 2010 u 18:34

Pavažany Lavon, vaša tvorčaść u 90-ja hruntavałasia na aktualnym u tyja časy stylu hrandž, u pačatku 2000-ch vy ekśpierymientavali z chard-koram. A ci płanujecie vy karystacca niejkim muzyčnym stylem, aktualnym u hety čas (na dvary ŭžo pačatak 2010-ch), i kali tak, to jakim?

Ja chaču ŭ vas zapytacca, jakim? Jaki zaraz vyrazny muzyčny styl? Zaraz eklektyka. Voś joj i budziem karystacca. I raniej była eklektyka, a nie hrandž i chard-kor.

Maryja napisaŭ (ła) Žnivień 16, 2010 u 20:00

Spadar Lavon, pa-pieršaje dziakuj Vam za Vašu tvorčaść, hramadskuju pazicyju, enierhietyku, talent i h.d. (šmat za što). Vy — talenavity, i Vaš talent — Božy dar. Vaš ziamny baćka, vielmi hodny čałaviek, byu chryscijaninam, nie naminalnym, a śviadomym. Mai pytanni u suviazi z hetym: jakija u Vas adnosiny z Vašym nabiesnym Baćkam, ci vierycie Vy ŭ Jevanhielle, isnavańnie Carstva Božaha i piekła, vyratavańnie dušy pa Viery? Jakoje ź vieravyznańniaŭ, chryscijanskich płyniaŭ bližejšaje Vam? Ci naviedvali Vy carkvu, u jakoj Vaš baćka u apošnija hady ziamnoha žyćcia pakłaniaŭsia Bohu. Prabačcie, kali majo pytańnie Vam padasca zanadta asabistym. Na samoj spravie, vielmi chaciełasia b, kab takija, jak Vy, i mienavita Vy i dom Vaš, taksama uvajšli u Viečnaść. Budu malicca za Vas. Dziakuj.

Heta asabistaje pytańnie. Ja pravasłaŭny, achryščany. Ale apošnim časam čaściakom naviedvaju kaścioł. Napeŭna, mnie bližejšaje ŭnijactva, raz tak atrymałasia.

EHU napisaŭ (ła) Žnivień 16, 2010 u 21:05

Spadar Lavon,

Chacieŭ padziakavać vam za vaš vydatny kancert u Vilni! Było sapraŭdy fajna! Čuŭ tolki stanoŭčyja vodhuki!

I majo pytańnie da vas nastupnaje:

— Jak vy staviciesia da našaha univiersiteta? Ci spadabałasia vam sustreča z našymi studentami?

Daterminova dziakuj,

I plonnaj pracy na karyść našaj lubaj Biełarusi!

Jak staŭlusia da univiersiteta, nie mahu skazać. Ja nie kampietentny. Kab tam pavykładać ci pavučycca, ja b tady skazaŭ. A sustreča mnie vielmi i vielmi spadabałasia.

MAGGOT napisaŭ (ła) Žnivień 16, 2010 u 21:07

Na futbolnych matčach z udziełam Biełarusi ŭ pierapynkach i paśla kančatka śpiavajuć vaš chit 3 čarapachi. Jak vy da hetaha staviciesia?

Ja vydatna staŭlusia. Ale mnie pieradavali, što jaje śpiavajuć tady, kali ŭžo ŭsio, kali ŭžo siurpryzaŭ nie budzie.

sneg napisaŭ (ła) Žnivień 16, 2010 u 22:44

Spadar, Lavon.

U mianie takoje pytańnie.

Jakim vy ŭjaŭlajecie siabie praz 20 hadoŭ, i jakim praz hety čas budzie biełaruski rok?

Ja nie viedaju, jakim praz hod budzie biełaruski rok. Pahladzim. Lepš tak daloka nie płanavać.

Mikalaj napisaŭ (ła) Žnivień 17, 2010 u 8:57

Vitaju, spadar Volski.

Ci planujecca u bližejšy čas kancert u Miensku?

Płanujecca, ale nie viedaju, kali. A voś na fiestyvali «Navalnica» budzie vystup Krambambuli. Tudy zaprašaju.

Vysoki Blandyn U Žoŭtym Bocie napisaŭ (ła) Žnivień 17, 2010 u 9:37

Ci nie było u vas dumki zyhrać ŭ klubach Maskvy albo Pieciarburha? Miarkuju, aŭdytoryja prysutničała b.

Nie było takoj dumki. Nie było, bo nie zaprašali. Jak zaprosiać, to razhledzim hetaje pytańnie.

sad napisaŭ (ła) Žnivień 17, 2010 u 12:00

Vystupleńnie na viasielli Hleba Łabadzienki było karparatyvam ci za tak?

Za tak. Navat nie za tak, a padarunkam było. Navat aparaturu svaju prastavili z pavahi ža maładych. A što heta vas tak chvaluje?

Anton napisaŭ (ła) Žnivień 17, 2010 u 14:18

Lavon, u mianie jość plany zrabić pryvatnuju internet-radyjostancyju. Ci moža taki prajekt u Biełarusi mieć niejki kamiercyjny pośpiech, jak vy ličycie?

Ja ŭreŭnieny, što nie. Chacia… Jość roznyja hranty. Mahčyma, vam daduć.

Alex napisaŭ (ła) Žnivień 17, 2010 u 14:20

Jak vam seryjał pra Chrosnaha Baćku?

Pa ščyraści, ja nie hladzieŭ.

Kastuś napisaŭ (ła) Žnivień 17, 2010 u 14:23

U kaho z zachodnich hurtoŭ vy chacieli b vystupić na razahrevie?

Šmat u kaho. Ciažka pieraličyć. I čamu tolki na razahrevie? Nu, naprykład, u Rolinh Stoŭnz. A to jany pojduć na piensiju, a my nie paśpieli razahreć.

e-ndrus napisaŭ (ła) Žnivień 17, 2010 u 14:30

U Biełarusi ciapier novy trend — iści ŭ kandydaty. Raspaviadzicie ščyra, ci maje prezidenckija ambicyi lider Narodnaj Respubliki? :)

Nie. Nie maju.

alena napisaŭ (ła) Žnivień 17, 2010 u 15:29

Pryvitańnie. A na jakoj movie vy doma razmaŭlajecie. Vybačajcie, ničoha nia viedaju pra vašu siamju, choć vaša ravieśnica i lublu z časoŭ MROi. Kali ŭ vas jość dzieci, jak jany staviacca da vašaj tvorčaści, ci padzialajuć pohlady na žyćcio?

Majoj dačce 12 hadoŭ. Da tvorčaści stavicca spakojna. Viedaje jaje. Chodzić u biełaruskamoŭnuju himnaziju. Na jakoj movie ja razmaŭlaju? Dziŭnaje pytańnie. Na toj, na jakoj i zaraz.

mihas napisaŭ (ła) Žnivień 17, 2010 u 16:42

Dzień dobry!

Ja b vielmi chacieŭ ubačyć na adnoj scenie Lapisa i NRM, Heta moža adbycca?7

Ja b byŭ vielmi zadavoleny

Hipatetyčna moža. Čamu nie? Ja nie baču nijakich pieraškodaŭ dla hetaha.

Źniacca ŭ kino chacieli b???

Ja źniaŭsia ŭ epizodzie ŭ filmie Dast ist fantaściš. A taksama ŭ svaim teleśpiektakli Adnojčy ŭ Barachlandyi. Chočacca praciahvać hetuju tradycyju.

I samaje hałoŭnaje!!!! Spadar Lavon, dapamažycie mnie z adnoj spravaj, tolki adkažycie na pytańnie abaviazkova!!! z vašaj dapamohaj ja chacieŭ by pavinšavać dziaŭčynu z dniem narodzinaŭ, heta ŭ vieraśni. skažycie jak z vami źviazacca, meił, ci što niebudź astaŭcie. usie rachody na mianie.

Mažliva u vašych rukach budučynia majho losa. jaki ja chaču źviazać ź JOJ!!!! Tolki nikomu, tsss!

Nu ja maŭču. Mahiła. Vy lepš praz Redakcyju sa mnoj źviažyciesia. Albo u Fejsbuku znajdzicie mianie, Łajvdžornał. Prykładzicie namahańni. I tady, za asobnuju płatu… Ale pra heta asabista pahavorym:)

Yahor D. napisaŭ (ła) Žnivień 17, 2010 u 18:36

Rock'n'roll miortvy? Uvohule i dlia vas asabista.

Skažycie, a džaz? A balet? A opiera? Usio heta žyvoje. Rok-n-roł — častka suśvietnaj kultury i budzie žyć viečna.

Uładzimir napisaŭ (ła) Žnivień 18, 2010 u 11:22

Dobry dzień!

Ci jość u Vas namier vypuścić bolš sur\jozny solny (ci nie solny)albom? Z novaj (dla Biełarusi), avanhardovaj muzkaj (naprykład jak Tom Yorke ci Sigur Ros, ci niejki stoŭner-rok?)i z takimi ž liryčnymi, fiłasofskimi tekstami (naprykład jak apošnija vieršy Baradulina)ci jak Vaš tekst, Daj mnie znak, Heta byłob nova jak dla Vašaj tvorčaści, tak i dla Biełarusi. Chočacca čahości zusim novaha, śviežaha! Mo čas taki pryjšoŭ?

Prabačcie kali niejak nie ścipła, dumaju Vy i sami viedajecie što rabić, ale usio ž?

Heta sakramientalnaje pytańnie, darečy. Kali budzie, to nie ŭ bližejšy hod. Ale niešta takoje krucicca ŭ hałavie. Kali ŭžo niešta kardynalna novaje, to jaho treba vynasić. Dajcie čas. Vy mianie źbiantežyli svaim pytańniem. Niešta ŭ hałavie takoje było.

mazyrčuk napisaŭ (ła) Žnivień 18, 2010 u 11:52

Dzień dobry, spadar Lavon! Vialiki dziakuj za Vašuju šmathrannuju tvorčaść! Ci płanujecie kancerty ŭ rehijonach z N.R.M. ci solna (darečy «Jabłynia»- šykoŭny albom!!!),u pryvatnaści ŭ Mazyry? Ciapieraka tolki kancertova, žyvymi słovami možna danieści Našu Movu da našaj riuskajazyčnaj moładzi. Jašče raz vialiki dziakuj, pośpiechaŭ i usiaho dobraha!

Budziem sprabavać. Ale skažu, što moładź u nas nie ŭsia rasiejskamoŭnaja. Niekatoryja i pa-anhielsku razmaŭlajuć. na trasiancy taksama.

Anatol napisaŭ (ła) Žnivień 18, 2010 u 12:32

Spadar Lavon!

Kali čakać novaha albomu «Krambambuli»?

Pakul čakajcie internet-sinhła. U aŭtorak vyjdzie. Kali niešta nie ŭdasca, to ŭ sieradu. Albo ŭ čaćvier. Ale chutčej za ŭsio ŭ aŭtorak.

Minčuk napisaŭ (ła) Žnivień 18, 2010 u 14:12

Lavon,

Vašy solnyja albomy apošnich hadoŭ («Kuplety i prypievy», «Takoha niama nidzie», «Biełaja jabłynia hromu») akazalisia vielmi słabymi, z prymityŭnymi aranžyroŭkami na ŭzroŭni 25-hadovaj daŭniny. Ci nie prychodziła Vam u hałavu dumka, što niemahčyma być adnačasova kłasnym aŭtaram tekstaŭ i muzyki, aranžyroŭščykam i vakalistam? Ci nie dumali pryciahnuć da supracy inšych talenavitych ludziej?

Heta vaš indyvidualni pohlad. I, vidać, vy viedajecie niejkich zvyštalenavitych ludziej. To napišycie pra ich u Redakcyju «Našaj Nivy» i my tady razam padumajem.

Mupm napisaŭ (ła) Žnivień 19, 2010 u 21:32

Kali vy ŭ čarhovy raz źmienicie imidž?

Źmienu imidža ja zahadzia nie płanuju. Heta ŭsio spantanna. Jość taki stylist — Žanna Lavonava — voś prychodziš da jaje i jakaja ŭ jaje farba zastałasia, reštki, tak imidž i źmianiajecca.

Filin napisaŭ (ła) Žnivień 19, 2010 u 21:35

Kali čakać Vas u Varšavie?

Kryšačku ździŭlajuć takoha kštałtu pytańni. Vy b udakładnili, u jakaści kaho? Turysta ci to z kancertam? Kali z kancertam, to my płanujem pravieści połśkuju prezientacyju «Biełaj jabłyni». Raskryju karty — pravieści ź likbiezam. Sa stendami, ź pierakładami našych tvorcaŭ. Budzie takaja kulturnickaja padzieja. Heta zojmie šmat času, ale ciaham paŭhoda, mahčyma, pryjedziem.

Fr.man napisaŭ (ła) Žnivień 19, 2010 u 22:02

Vitaju! Lavon, ci zapisvajucca pieśni u vykanańni vašaj dački?

niekali pa radyjo čuŭ dziciačuju pieśniu sa słovami: «Sonca sadzicca za hory, Kruciacca koły, Kraj naš…» i dalej.

Maja dačka, i praŭda, dobra śpiavaje. Ale ja pra dadzienuju pieśniu, cytata jakoj pryviedziena, ničoha nie viedaju. Mnie chočacca zadziejničać Adelu ŭ niejkich śpievach, ale jana, pieradusim, sama pavinna zachacieć. Ale pakul jana takoha zvyšžadańnia nie vykazvaje to, značyć, čas nie pryśpieŭ.

Amatar karaokie napisaŭ (ła) Žnivień 19, 2010 u 22:25

Šanoŭny spadar Lavon!

Vialiki dziakuj za Vaš fajny albom na vieršy kłasikaŭ ajčynnaj paezii — «Biełaja jabłynia hromu». Taksama mnie vielmi spadabałasia, što Vy razam z partałam Tut.by niekalki miesiacaŭ tamu raspačali prajekt pad umoŭnaj nazvaj «Biełaruskaje narodnaje karaokie». Prajekt, nakolki mnie viadoma, užo zavieršany. Tamu raskažycie, kali łaska, pra Vašyja ŭražańni ad dasłanych varyjantaŭ piesień, što spadabałasia, a što nie, ci budzie ŭsio-tki vydadzieny asobny dysk (što raniej płanavałasia!)ź lepšymi zapisami «narodnych karaokieraŭ». Dziakuj! I ŭsiaho najlepšaha!

Pačakajcie, kali łaska. My pracujem, apracoŭvajem vašyja śpievy. I plus my jašče chočam da hetaha dałučyć jašče adzin padprajekt, tak by mović VIP-karaokie. Kab da vas dałučylisia roznyja znakamitaści i kali ździejśnim usio heta, tady i vypuścim płytku.

Vyniki mnie spadabalisia. Praktyčna ŭsio.

Halina von Leipzig napisaŭ (ła) Žnivień 19, 2010 u 23:24

Spadar Lavon, a ŭ Hiermaniju da nas nie źbirajeciesia?

Źbirajemsia, ale tolki nijak nie dajedziem. Letaś u Bierlinie byli. Što praŭda, jak pryvatnyja asoby.

rubon napisaŭ (ła) Žnivień 20, 2010 u 0:06

sp. Lavon, vam nie soramna? za siabie, nie za krainu.

Nie.

Andrej ź Pieciarburhu napisaŭ (ła) Žnivień 20, 2010 u 1:34

Lavon, a čamu usie vašyja prajekty bolš za usie niejkija nie tvorčyja, a kamiercyjnyja, čamu niama taho pyłu što byŭ na samym pačatku i u Mroi?

Ja dumaju, što vy pamylajeciesia. Mnie padajecca, što ŭsie hetyja prajekty tvorčyja.

Zmicier napisaŭ (ła) Žnivień 20, 2010 u 2:46

Spadar Lavon, supracoŭniki Samsunh Elektroniks (Paŭdniovaja Kareja) zaprašajuć Vas z kancertam u Sieuł, ci prosta adpačyć da nas. Davajcie spałučym kancert z adpačynkam. Vysyłajcie zaprašeńnie i my hatovyja jechać. Zaraz pajdu źbirać rečy.

Lavonu

Apošnim časam bačym vas tolki ŭ akularach:) Vy ich kaliści zdymajecie?)

Nie.

Pytańni, na jakija spadar Volski nie paśpieŭ adkazać, buduć vysłanyja jamu. Adkazy buduć apblikavanyja na sajcie.

Kamientary da artykuła