Leta jašče padoryć biełarusam niekalki ciopłych dzion

U hetyja vychadnyja dni nadvorje ŭ Biełarusi palepšycca, paviedamiła hałoŭny sinoptyk Respublikanskaha hidramieteacentra Volha Fiadotava.

U subotu, 21 žniŭnia, na terytoryju krainy raspaŭsiudzić svoj upłyŭ vobłaść pavyšanaha atmaśfiernaha cisku. Hetaj nočču ŭ asnoŭnym apadkaŭ nie čakajecca. Zaŭtra dniom tolki ŭ paŭnočnych rajonach miescami projduć karotkačasovyja dadždy. Nočču i ranicaj u nizinach čakajecca słaby tuman. Tempieratura pavietra nočču składzie 7–13 hradusaŭ ciapła, dniom pavietra prahrejecca da plus 19–25 hradusaŭ.

Pad upłyvam atmaśfiernych frantoŭ, jakija pieramiaščajucca z Zachodniaj Jeŭropy, 22 žniŭnia miescami, u asnoŭnym pa poŭnačy Biełarusi, projduć karotkačasovyja daždžy, mahčyma navalnicy. Pad ranicu znoŭ miescami zhuścicca tuman. Tempieratura pavietra ŭ noč na niadzielu składzie plus 9–15 hradusaŭ. Dniom pry pastupleńni ciopłych pavietranych mas ź Mižziemnamorja słupok termomietra dasiahnie adznaki plus 22–29 hradusaŭ.

Ciopłym abiacaje być nadvorje i ŭ pačatku nastupnaha tydnia. U paniadziełak miescami pa terytoryi krainy, a ŭ aŭtorak pieravažna pa paŭnočna-zachodniaj pałovie Biełarusi čakajucca navalničnyja daždžy. Pry hetym tempieratura pavietra nočču čakajecca ad 11 da 17 hradusaŭ, dniom — ad plus 22 hradusaŭ pa poŭnačy da 32 hradusaŭ ciapła pa poŭdni Biełarusi. Adnak takoje paciapleńnie budzie niepraciahłym. Pa sutnaści heta buduć apošnija ciopłyja dni adychodziačaha leta, padkreśliła Volha Fiadotava.

U sieradu, 25 žniŭnia, atmaśfierny front, jaki pieramiaščajecca z Zachodniaj Jeŭropy, pačnie adciaśniać ciopłyja pavietranyja patoki na ŭschod. Na bolšaj častcy Biełarusi čakajucca navalničnyja daždžy, miescami mocnyja. Pry navalnicach prahnazujecca škvalistaje ŭzmacnieńnie vietru. Dzionnaja tempieratura ŭ sieradu budzie vahacca ad plus 16–18 hradusaŭ pa paŭnočnym zachadzie da plus 28–30 hradusaŭ pa paŭdniovym uschodzie Biełarusi.

U druhoj pałovie tydnia ŭ Biełarusi znoŭ prykmietna pachaładnieje.

Kamientary da artykuła