U Minsku brakuje piedrabotnikaŭ

U Minsku isnujuć prablemy z zabieśpiačeńniem piedahahičnymi kadrami, zajaviŭ staršynia kamiteta pa adukacyi harvykankama Uładzimir Ščerba 20 žniŭnia na forumie piedahahičnych rabotnikaŭ ustanoŭ sistemy adukacyi.

Pavodle słoŭ čynoŭnika, zachoŭvajecca vialikaja źmienlivaść kadraŭ sacyjalna-psichałahičnych słužbaŭ, vostry niedachop rabotnikaŭ daškolnych ustanoŭ. Zaraz u daškolnych ustanovach vakantnyja 400 stavak vychavacielaŭ, 297 — pamočnikaŭ vychavaciela, 109 — kucharaŭ, 63 — miedsiaścior. «Pryčyny viadomyja», — skazaŭ Ščerba. Tak, nieadnarazova ŭźnimałasia prablema nizkaj apłaty pracy i padzieńnia prestyžu prafiesii nastaŭnika ŭ hramadstvie. «Staličnyja ŭłady robiać usio mahčymaje, kab i dalej akazvać padtrymku piedahahičnym rabotnikam», — skazaŭ staršynia kamiteta pa adukacyi Minharvykankama.

Ščerba adznačyŭ, što da ciakučaści kadraŭ akramia inšaha viadzie niedaacenka važnaści karparatyŭnaj kultury. Jon pryvioŭ vyniki apytańnia piedahohaŭ, praviedzienaha ŭ Minsku ŭ hetym navučalnym hodzie. Pavodle źviestak apytańnia, mienš za pałovu staličnych piedahohaŭ zadavoleny psichałahičnym klimatam u kalektyvie. «U kalektyvach siarednich škoł № № 77 i 178, daškolnaj ustanovie № 167 užo nie pieršy hod intelektualny patencyjał nakiroŭvajecca nie na vyrašeńnie adukacyjnych zadač, a na stvareńnie kanfliktnych situacyj», — skazaŭ kiraŭnik kamiteta.

Usiaho, pavodle słoŭ Ščerby, u Minsku adukacyjny praces zabiaśpiečvajuć bolš za 29 tys. piedahahičnych rabotnikaŭ. Jany pracujuć u 784 ustanovach adukacyi ŭsich typaŭ. U tym liku ŭ novym navučalnym hodzie ŭ Minsku budzie pracavać 419 daškolnych ustanoŭ, 243 ahulnaadukacyjnyja ŭstanovy, siarod jakich 40 himnazij, dźvie himnazii-kaledža i dva licei.

Kamientary da artykuła