Što stanie hałoŭnaj temaj na samicie ADKB?
Ciapierašni prezydent Kirhizstanu, Roza Atunbajeva, były ambasadar ZŠA ŭ Vialikabrytanii i Złučanych Štataŭ Ameryk, pasprabuje pierakanać ADKB pahadzicca na pastaŭku viertalotaŭ, bronietransparcioraŭ i srodkaŭ na padrychtoŭku sił biaśpieki Kirhizstanu.
«U mianie jość adčuvańnie, što isnuje ahulny niedavier da dziejučaj u Kyrhyzstanie ułady», kaža Alaksiej Małašenka, palitolah, admysłoŭca pa Centralnaj Azii maskoŭskaha Centra Karnehi.
Pradstaŭniki Rasiei kažuć, što pytańnie adpraŭki vojskaŭ u Kyrhyzstan nie staić na paradku dnia. Pavodle analitykaŭ, Kreml nia choča ryzykavać žyćciami rasiejskich vajskoŭcaŭ, niahledziačy na svaju pierakananaść u tym, što postsavieckaja Centralnaja Azija znachodzicca ŭ miežach intaresaŭ Maskvy.
Maskva budzie imknucca, kab rašeńnie nakont vajennaj dapamohi i pastavak vajennaj techniki Biškieku prymałasia kalektyŭna, kaža Małašenka, kab pakazać, što ADKB źjaŭlajecca istotnaj siłaj.
«Prymajučy pad uvahu charaktar mierapryjemstva, luby z prezydentaŭ moža prapanavać dadatkovyja pytańni dla abmierkavańnia. Naprykład, planujecca, što prezydent Rasiei, jaki ciapier jość staršyniom Savietu kalektyŭnaj biaśpieki ADKB, prapanuje abmiarkavać datu nastupnaha Savieta kalektyŭnaj biaśpieki ADKB u Maskvie», kaža pamočnik prezydenta Rasiei Siarhiej Prychodźka.
Niefarmalny samit u Jerevanie, jaki pačynajecca ŭ piatnicu, 20 žniŭnia, stanie užo čaćviortym u historyi ADKB. Kiraŭniki dziaržaŭ praviaduć dvuchbakovyja sustrečy, a taksama naviedajuć znakamitaje voziera Sievan.