Łukašaniec: Cłova «prezident», budziem pa-raniejšamu pisać ź vialikaj litary
1 vieraśnia ŭvachodzić u dziejańnie zakon «Ab praviłach biełaruskaj arfahrafii i punktuacyi», nahadaŭ 20 žniŭnia na
Pierš za ŭsio zakon tyčycca aficyjnaha piśmovaha vykarystańnia biełaruskaj movy, adznačyŭ Łukašaniec. Śpiecyjalist paviedamiŭ, što rezkich źmienaŭ u novych praviłach niama. U toj ža čas praviły ŭtrymlivajuć mienš vyklučeńniaŭ.
Pavodle słoŭ prafiesara, niekatoryja padručniki i słoŭniki biełaruskaj movy ŭžo pieravydadzieny z ulikam źmienaŭ, astatnija buduć pieravydadzieny najbližejšym časam.
Łukašaniec padkreśliŭ, što pry acency viedaŭ vučniaŭ nie buduć uličvacca tyja momanty, jakija tyčacca źmienaŭ u praviłach. «Heta značyć kali ŭ dyktoŭcy vučań napiša, naprykład, „va univiersitecie“ zamiest „va ŭniviersitecie“, to takoje napisańnie nie budzie zaličana jak pamyłka», — rastłumačyŭ prafiesar i dadaŭ, što teksty z padobnymi źmienami nie buduć uklučacca ŭ ekzamienacyjnyja i testavyja zadańni.
Što da napisańnia słova «prezident», adznačyŭ Łukašaniec, to «praviły napisańnia hetaha słova zastajucca takimi ž, jakimi byli z 1959 hoda». «A praviła hučyć tak: nazvy vyšejšych pasad u aficyjnym vykarystańni pišucca ź vialikaj litary», — skazaŭ fiłołah. BiełaPAN.