Češski sienatar pra biełarusaŭ: Razumnyja i pracavityja ludzi
U češskich sienataraŭ zastalisia dobryja ŭražańni ad sustrečy z pradstaŭnikami niaŭradavych arhanizacyj Biełarusi. Pra heta paviedamiŭ 20 žniŭnia na
«Naša delehacyja sustrełasia ŭčora viečaram z 20–30 pradstaŭnikami vašaj apazicyi, — skazaŭ jon. — My ŭbačyli, što niaŭradavyja arhanizacyi dziejničajuć, apazicyjnyja partyi farmirujucca».
Nahadajem, delehacyja sienataraŭ Čechii ŭ miežach vizitu z 16 pa 20 žniŭnia sustrełasia z pradstaŭnikami niedziaržaŭnych ŚMI i NDA, a taksama praviała sustreču ŭ Saviecie Respubliki Nacyjanalnaha schodu Biełarusi.
Pavodle słoŭ Irsy, padčas svajho vizitu ŭ Biełaruś akramia Minska sienatary naviedali Baranavičy i Viciebsk. «Viciebsk — rodny horad Marka Šahała, jakoha my vielmi lubim, — pryznaŭsia člen sienata. — Tam ža my naviedali arhanizacyju „Rodny dom“. U Baranavičach uskłali kvietki da pomnika zabitym čechasłavackim hramadzianam» (miemaryjał u pamiać ab troch tysiačach čechasłavackich hramadzian, rasstralanych fašystami va ŭročyščy Haj u červieni 1942 hoda)».
Tomaš Irsa vykazaŭ upeŭnienaść, što supracoŭnictva Biełarusi i Čechii pavinna raźvivacca.
Pra svaje ŭražańni ab našaj krainie i jaje ludziach sienatar skazaŭ tak: «Razumnyja i pracavityja ludzi i pryhožaja ziamla».