Biełaruś u śniežni ŭznačalić ADKB
Pra heta paviedamiŭ prezident Rasiei Dźmitryj Miadźviedzieŭ 20 žniŭnia pa vynikach niefarmalnaha samita ADKB u Jerevanie.
Biełaruś u śniežni ŭznačalić Arhanizacyju Damovy pra kalektyŭnuju biaśpieku (ADKB), Alaksandr Łukašenka hatovy pryniać staršynstva. Pra heta paviedamiŭ prezident Rasiei Dźmitryj Miadźviedzieŭ 20 žniŭnia pa vynikach niefarmalnaha samita ADKB u Jerevanie.
«My damovilisia ab tym, što ŭ śniežni staršynstva ŭ ADKB piarojdzie da adnaho z členaŭ ADKB — Biełarusi. Prezident Biełarusi vykazaŭ hatoŭnaść pryniać jaho. Nas heta vielmi raduje», — skazaŭ rasiejski lider na
«Razmova była cikavaja, dobraja, ščyraja. Choć heta niefarmalny samit, ale mnohija rečy, jakija my razhladali, atrymajuć praciah padčas śniežańskaha samita, jaki projdzie ŭ Maskvie», — cytuje rasiejskaje infarmahienctva Miadźviedzieva.
Jon padziakavaŭ armianskamu kalehu za arhanizacyju sustrečy. «Heta spryjała praduktyŭnamu abmienu dumkami [na samicie], jaki praciahvaŭsia bolš čym, napeŭna, my płanavali. Pryčym praciahvaŭsia bolš zacikaŭlena, vielmi adkryta i ŭ karektnaj maniery, što, biezumoŭna, śviedčyć ab tym, što my poŭnimsia žadańniem raźvivać našu arhanizacyju», — skazaŭ Miadźviedzieŭ.
Pavodle jahonych słovaŭ, ADKB maje namier ŭnieści svoj układ u narmalizacyju situacyi ŭ Kyrhyzstanie. «Ja spadziajusia, što ŭ ramkach kansalidavanaj pracy čalcoŭ ADKB, u ramkach dvuchbakovych adnosin z Kyrhyzstanam, jakija isnuje ŭ kožnaha z
Miadźviedzieŭ taksama paviedamiŭ, što ADKB da śniežnia padrychtuje źmieny ŭ statutnyja dakumienty arhanizacyi, kab u dalejšym praduchilać situacyi, padobnyja da NZ u Kyrhyzstanie. «Uroki padziej u Kyrhyzstanie padšturchoŭvajuć nas da taho, kab zrabić miechanizm efiektyŭniejšym. Što dla hetaha patrabujecca? Patrabujecca vola dziaržavaŭ. Siońnia hetaja vola była vyjaŭviŭšysia. My damovilisia, što da śniežnia buduć padrychtavany prapanovy pa źmienie dakumientaŭ — tych dakumientaŭ, statutnych dakumientaŭ ADKB, jakija słužać hruntam dla našaj dziejnaści ŭ rehijonie», — patłumačyŭ Miadźviedzieŭ.
Rasiejski lider padkreśliŭ, što heta nieabchodna dla taho, kab u ADKB źjavilisia bolš efiektyŭnyja instytuty, «moža być, z pašyranymi paŭnamoctvami». «Viadoma, takija rašeńni prymajucca kansensusam, ale, tym nie mienš, usie razumiejuć, što ŭ šerahu vypadkaŭ arhanizacyja pavinna dziejničać efiektyŭniej i šparčej», — adznačyŭ prezident RF.
Jon taksama paviedamiŭ, što Arhanizacyja Damovy pra kalektyŭnuju biaśpieku maje vyvučyć i praanalizavać dośvied NATO, Jeŭrasajuza i AAN. «My pavinny vyvučyć vopyt Paŭnočnaatłantyčnaha aljansu, Jeŭrasajuza, dyj Arhanizacyi Abjadnanych Nacyj, tamu hety vopyt pavinien być praanalizavany. Ja spadziajusia, što sakrataryjat arhanizacyi abahulnić jaho i pradstavić na vyvučeńnie», — skazaŭ Miadźviedzieŭ.
Alaksiej Areška, BiełaPAN