Piensijanierka vyrašyła pamyć vokny i zvaliłasia ź dziesiataha paviercha
U Minsku piensijanierka vyrašyła pamyć vokny na bałkonie svajoj kvatery i zvaliłasia ź dziesiataha paviercha, paviedamiŭ staršy pamočnik prakurora Mienska pa pravavym zabieśpiačeńni, infarmacyi i hramadskich suviaziach Siarhiej Bałašoŭ.
Dom, dzie žyła žančyna 1941 hoda naradžeńnia, znachodzicca na praśpiekcie Pieramožcaŭ. Jana pastaviła adnu taburetku na druhuju, mabyć, kab dastać da vierchniaj častcy akna. Ale kanstrukcyja akazałasia nietryvałaj, i žančyna zvaliłasia ŭniz. Ad atrymanych traŭmaŭ jana pamierła.
Pravierku pa hetym fakcie pravodzić prakuratura Centralnaha rajona.