Pałata pradstaŭnikoŭ pryniała ŭ druhim čytańni papraŭki ŭ Padatkovy kodeks
Jak paviedamiŭ namieśnik staršyni parłamienckaj kamisii pa biudžecie, finansach i padatkovaj palitycy Miečysłaŭ Kaściuk, zakonaprajekt pamianšaje kolkaść padatkaŭ i zboraŭ, spraščaje paradak ich źbirańnia i pašyraje inviestycyjnyja lhoty.
Prajekt zakona praduhledžvaje poŭnuju admienu miascovaha zboru na raźvićcio terytoryj (ciapier źbirajecca ŭ sumie 3% ad prybytku), miascovaha padatku na pasłuhi (5% ad vyručki), a taksama troch płaciažoŭ u składzie ekałahičnaha padatku. Heta dazvolić u 2011 hodzie źnizić padatkovuju nahruzku na ekanomiku da 0,4% da VUP i pakinuć u rasparadžeńni pradpryjemstvaŭ bolš čym 700 młrd. biełaruskich rubloŭ.