Deficyt biudžetu ŭ 2011 hodzie vyraście da 3% ad VUP
Prajekt biudžetu sfarmavany zychodziačy z prahnozu inflacyi na ŭzroŭni 8%, kursa dalara 3170 rubloŭ.
Deputaty pałaty pradstaŭnikoŭ na pasiadžeńni pazačarhovaj siesii 14 vieraśnia pryniali ŭ druhim čytańni zakonaprajekt «Ab respublikanskim biudžecie na 2011 hod».
Prajekt biudžetu sfarmavany zychodziačy z zapłanavanych tempaŭ rostu VUP u 2011 hodzie na ŭzroŭni 110%, hadavoj inflacyi — na ŭzroŭni 8%, siaredniehadavoha kursa dalara 3170 rubloŭ.
Dachody kansalidavanaha biudžetu krainy zapłanavany ŭ pamiery 54,5 trłn. rubloŭ, što składaje 118,1% da acenki dachodaŭ biudžetu hetaha hoda.
Struktura dachodaŭ biudžetu nie źmianiłasia: 35,1% prypadaje na PDK, 10% — padatak na prybytak, 13,3% — dachody ad źniešnieekanamičnaj dziejnaści, 9,8% — akcyzy.
Raschody biudžetu płanujucca na ŭzroŭni 60,5 trłn rubloŭ. Bazavyja haliny sacyjalnaj śfiery — achova zdaroŭja, adukacyja, sacyjalnaja palityka — zabiaśpiečany biudžetnymi asihnavańniami z rostam da acenki hetaha hoda adpaviedna na 36, 45 i 35%.
U cełym raschody na nacyjanalnuju ekanomiku krainy zapłanavanyja ŭ pamiery 7,2 trłn rubloŭ.
Deficyt biudžetu na 2011 hod składzie 6 trłn rubloŭ, ci 3% da VUP.Finansavańnie deficytu biudžetu praduhledžvajecca za košt unutranych i zamiežnych krynic. Jak i ŭ papiarednija hady, dla finansavańnia deficytu biudžetu pryciahnieńnie kredytaŭ Nacyjanalnaha banka nie praduhledžvajecca.
Jak paviedamiŭ staršynia parłamienckaj kamisii pa biudžecie, finansach i padatkovaj palitycy Alaksandr Antonienka, pry dapracoŭcy da druhoha čytańnia ŭ zakonaprajekt byli ŭniesienyja «niaznačnyja karekciroŭki».