U Breście — łakaŭt: zvolnili kala 120 kanduktaraŭ aŭtobusaŭ
Pryčym štat kanduktaraŭ rasfarmiroŭvajecca ŭžo druhi raz ciaham dziesiaci hadoŭ.
Dyrektar aŭtaparka Pavieł Bahniuk pryznaŭ, što kolkaść kanduktaraŭ źmienšyłasia z 150 da 36 čałaviek, i abhruntavaŭ pryčynu.
«Ekanomika ciapier žorstkaja i zmušaje prymać niepapularnyja rašeńni. Jość dva varyjanty. Pieršy — jak u Pinskim aŭtobusnym parku: tam bolš za 200 kanduktaraŭ, i niama kantraloraŭ. Ujavicie, kolki hrošaj treba płacić ludziam štomiesiac! I ŭ Baranavičach — tam zusim niama kanduktaraŭ, adno 60 kantraloraŭ. Vyručka pryblizna roŭnaja, ale tam u štacie 270 čałaviek, a tam — 60».
Zvolnienyja kanduktary ŭsie atrymali prapanovy pracaŭładkavańnia (pieravažna ŭ kantrolnaj słužbie), ale šmat chto nie zachacieŭ skarystacca imi. «Kanduktaram pracavać nie miod, a kantraloram jašče horš», — patłumačyŭ dyrektar.
Darečy, pa źviestkach z haradskoha Centra zaniataści, u ich rehistravalisia z pačatku hoda 37 zvolnienych kanduktaraŭ. Siońnia na ŭliku zastałosia 11 čałaviek.