Pa kolkaści dekłaravanych podpisaŭ lidziruje Niaklajeŭ, kali nie ličyć Łukašenku

«Ličba ahulnaja na ŭčorašni viečar składała 40.736, — kaža pres-sakratar Niaklajeva Julija Rymašeŭskaja. — Naturalna, stalica lidziruje ŭ zbory podpisaŭ. Tut bolšaja kolkaść zborščykaŭ,. A što datyčyć astatnich abłaściej, to tut ciažka nazvać lidara».

Pres-sakratarkaJarasłava Ramančuka Hanna Krasulina paviedamiła, što na siońniašni dzień sabrana kala 30 tysiač podpisaŭ. Lepš za ŭsio padpisvajucca ŭ Hrodnie, a najhorš — na Homielščynie. Asnoŭny kantynhient, pa słovach Krasulinaj, heta piensijaniery, jakim užo niama čaho hublać.

A moładź, maŭlaŭ, vielmi zapałochanaja.

Inšaja situacyja ŭ inicyjatyŭnaj hrupy Ryhora Kastusiova. Za jaho pastavili svaje podpisy kala 25 tysiač čałaviek. Jak paviedamlaje kiraŭnik jaho hrupy Alaksiej Janukievič, asnoŭnyja padpisčyki — heta ludzi maładziejšaha i siaredniaha ŭzrostu.

Za Vitala Rymašeŭskaha, adznačaje jaho pres-słužba, sabrana bolš za 22 tysiačy podpisaŭ. U hrupie Andreja Sańnikava nazvać ličbu sabranych podpisaŭ nie zmahli, ale płanku 20 tysiač Sańnikaŭ adoleŭ jašče dva dni tamu.

Kamientary da artykuła