Kiraŭnica «Biełarusbanka» bje tryvohu: biełarusy pačali vyvodzić hrošy z banka

Nacbank zaviaraje: U inšych bankaŭ usio dobra.

Nacbank zaviaraje: U inšych bankaŭ usio dobra.

Kiraŭnica «Biełarusbanka» Nadzieja Jermakova paskardziłasia žurnalistam, što ludzi z paničnaj masavaściu zabirajuć z banka depazity ŭ biełaruskich rublach. «Heta vialikaja prablema», — pryznała jana. Pa jaje słovach, «fizičnyja asoby zdymajuć biełaruskija rubli kala 5–7 miljardaŭ za dzień». Heta kala $2 miljonaŭ dalaraŭ.

Jermakova miarkuje, što adnoj z asnoŭnych pryčynaŭ adtoku rublovych depazitaŭ nasielnictva stała infarmacyjnaja vajna ŭ dačynieńni da Biełarusi ŭ rasijskich ŚMI.

Siensacyjnyja pryznańni bankirki paśpiašalisia abvierhnuć u Nacbanku. Pa słovach pres-sakratara Nacbanka Anatola Drazdova, za vierasień. rublovyja ŭkłady nasielnictva ahułam vyraśli na 81,5 miljarda rubloŭ. Heta kala $27 miljonaŭ.

«Adtok układaŭ nazirajecca tolki ŭ Biełarusbanku, bo inšyja banki prapanujuć bolš vyhadnyja prapanovy», — zajaviŭ Anatol Drazdoŭ.

Kamientary da artykuła