Rymašeŭski: Zaklikaju 24 listapada ŭsich pryjści na Płošču

My viadziom pieramovy z usimi kandydatami, kab arhanizavać ź imi supolnuju sustreču ŭ hety dzień.

Kandydat na pasadu prezidenta ad Biełaruskaj Chryścijanskaj Demakratyi zaklikaŭ nieabyjakavych pryjści na Kastryčnickuju płošču stalicy 24 listapada. «U hety dzień u nas budzie repietycyja Płoščy. My zaraz viadziom pieramovy z usimi kandydatami, kab arhanizavać ź imi supolnuju sustreču ŭ hety dzień. My zaprašajem usich na sustreču sa mnoj, niezaležna ad taho, zarehistruje ŭłada mianie, albo nie», — zajaviŭ Vital Rymašeŭski na pres-kanfierencyi 7 kastryčnika.

Spadar Rymašeŭski taksama vykazaŭ upeŭnienaść, što ułady prykładuć usie namahańni, kab nie rehistravać jaho kandydatam u prezidenty. Jon taksama zaklikaŭ usich kandydataŭ abjadnacca vakoł supolnych chryścijanska-demakratyčnych kaštoŭnaściaŭ. «My adkrytyja da supracy. My zaprašajem usich kandydataŭ dałučacca da BCHD», — zajaviŭ Rymašeŭski.

Kamientary da artykuła