Padpišysia za Łukašenku, i atrymaješ buśku
«Padpišyciesia za Alaksandra Hryhorjeviča, i atrymajecie buśku!» — zaklikała ŭ sieradu maładaja dziaŭčyna z inicyjatyŭnaj hrupy Łukašenki.
«Padpišyciesia za Alaksandra Hryhorjeviča i atrymajecie buśku!» — zaklikała ŭ sieradu maładaja dziaŭčyna ź inicyjatyŭnaj hrupy Łukašenka, kala univiersama «Centralny». Ludzi abychodzili dzivačku i nie paddavalisia na ŭhavory, a Havarypraŭdaŭcy z susiedniaha pikietu Niaklajeva kryčali dziaŭčynie ŭ adkaz: «Što ž tolki buśki, čamu ž tak mała?».
Niahledziačy na susiedstva pikietaŭ inicyjatyŭnych, za kožny podpis prychodzicca zmahacca. «Havary praŭdu» zaklikaje z dapamohaj hukaŭzmacnialnikaŭ i śmiajecca, što ŭ ich hołas nie siadzie, batarejek na miesiac chopić. Prychilnikam Łukašenki prychodzicca nadryvać hołas i abiacać «buśki», kab źviarnuć mienavita na siabie uvahu minakoŭ.
I pieršyja i druhija raskazvajuć žurnalistam, što zbor podpisam idzie vielmi aktyŭna, ludzi achvotna padpisvajucca. Adnak kamanda Niaklajeva kaža, što za adzin dzień na hetym miescy nabiraje 120–150 podpisaŭ, a kamanda Łukašenki ŭ tym ža miescy nazyvaje ličby ŭ 50–60 podpisaŭ. Napeŭna, na buśki narod nie tak achvotna «kuplajecca», jak na praŭdu.