Mižnarodny turnir pa łoŭli ryby projdzie ŭ Biełarusi ŭ kastryčniku

Mižnarodny turnir pa łoŭli ryby letniaj papłavočnaj vudaj «Miemaryjał pamiaci Viačasłava Siarova-2010» adbudziecca 22–24 kastryčnika na viaślarnym kanale Zasłaŭskaha vadaschovišča,

paviedamiŭ staršynia HA «BRIK» Aleh Zakržeŭski.

Rybaki płanujuć ździvić hledačoŭ ułovami lašča, płotki, akunia, jarša i inšych vidaŭ ryb.

Da spabornictvaŭ buduć dapuščany biez adboru siem kamand, jakija brali udzieł u čempijanacie Biełarusi 2010 hoda, i zamiežnyja kamandy i spartsmieny, jakija brali ŭdzieł u hetych spabornictvach u minułyja hady. Zaprošany rybałovy-spartsmienyekstra-kłasa: čempijon śvietu 2009 hoda Ihar Patapaŭ (Rasija), vice-čempijon śvietu Normund Hraboŭskis (Łatvija), Juryj Raduhin, Juryj Sipcoŭ, Viačasłaŭ Barysaŭ, Siarhiej Burdak, a taksama kamandy z Rasii, Łatvii, Litvy, Ukrainy. Hałoŭnym sudździoj zaćvierdžany Viktar Śviatoščyk.

Siarod haściej spabornictvaŭ čakajucca viadomyja va ŭsim śviecie rybałovy-spartsmieny Hieorhij Uthof, Ihar Haponaŭ, Uładzimir Višniakoŭ, Alaksiej Pašukievič, Alaksandra Dunajeva, Hienadź Hryhorjeŭ, Aurelius Paŭłaŭskas, Rajmandas Barkaŭskas, Jonas Jabłonskis i inšyja.

Kamientary da artykuła