U «Instytucie hlebaznaŭstva i ahrachimii» prymušajuć padpisvacca za Łukašenku
Supracoŭnikam RUP «Instytuta hlebaznaŭstva i ahrachimii» jašče tydzień tamu paviedamili, što nie varta padpisvacca za inšych kandydataŭ akramia Łukašenki. Pieršapačatkova heta hučała jak papiaredžańnie — vam ža lepiej budzie, bo ŭsia infarmacyja pa śpisach potym ad CVK spuścicca da pracadaŭcaŭ.
Što kankretna budzie navukoŭcam za takuju pravinnaść načalstva nie ŭdakładniała, adnak praviarać nie raili.
Akramia hetaha na terytoryi instytuta byli pryniaty «pieradvybarčyja» miery. Uzmacnili achovu, pačali sačyć, kab nichto vypadkovy nie patrapiŭ na terytoryju instytuta, a taksama supracoŭnikam stali admaŭlać u adpačynkach i nadziejniej praviarać balničnyja.
Siońnia ŭ instutucie dajšło navat da prośbaŭ — pryjdzicie z pašpartam da načalnika. Znoŭku nichto nie pahražaŭ i nie abiacaŭ zvalnieńnie za admovu, adnak zroblena ŭsio va ultymatyŭnaj formie: nie chočaš stavić podpis za Łukašenku — potym nie kažy, što ciabie nie papiaredžvali. Pra hetyja padziei «Našaj Nivie» paviedamiŭ adzin z supracoŭnikaŭ Instytuta, jaki pažadaŭ zachavać ananimnaść.
Łukašenka pa telebačańni zajaŭlaje ab spynieńni zboru podpisaŭ i prosić padpisvacca ludziej za jaho apanientaŭ. Nasamreč, u hety čas prymusovy zbor podpisaŭ i zapałochvańnie ludziej praciahvajecca. Ci to načalstva «Instytuta hlebaznaŭstva i ahrachimii» učora naviny nie hladzieła i jašče nie ŭ kursie novaj palityki, ci to Łukašenka łukavić i źbirajecca dasiahnuć 1 miljonu podpisaŭ za svaju kandydaturu.