Hajdukievič źniaŭsia
Staršynia Libieralna-demakratyčnaj partyi Siarhiej Hajdukievič padaŭ zajavu ŭ Centrvybarkam ab źniaćci svajoj kandydatury.
LidarLibieralna-demakratyčnaj partyi (ŁDP) Siarhiej Hajdukievič zdymaje svaju kandydaturu z prezidenckich vybaraŭ.
Jak paviedamiŭ
Tłumačačy svajo rašeńnie, Siarhiej Hajdukievič zajaviŭ: jon ličyć, što
«vybary ŭ Biełarusi — heta śpiektakl, vyniki jakoha ŭžo daŭno ŭsim viadomyja».
Pavodle słoŭ palityka, bieručy ŭdzieł u ciapierašniaj kampanii, jon chacieŭ pakazać, što karystajecca padtrymkaj ludziej. Hajdukievič ličyć svaju partyju samaj mocnaj u Biełarusi, bo mienš jak za tydzień jaho inicyjatyŭnaj hrupie ŭdałosia sabrać 100.000 podpisaŭ, nieabchodnych dla rehistracyi kandydataŭ u prezidenty Biełarusi.
«Ja viedaju, što mianie ludzi padtrymlivajuć, ale my pryniali rašeńnie, što dalej brać udzieł u vybarach niama sensu», — padkreśliŭ Hajdukievič.
Rašeńnie ab udziele Hajdukieviča ŭ vybarach prezidenta było pryniata jašče ŭ 2008 hodzie na źjeździe ŁDP. U jaho była samaja vialikaja inicyjatyŭnaja hrupa (10.483 čałavieki), u toj čas jak u dziejnaha prezidenta Alaksandra Łukašenki — 8.403 čałavieki.
Siarhiej Hajdukievič braŭ udzieł u prezidenckich vybarach 2001 i 2006 hadoŭ, padčas jakich za jaho, pavodle aficyjnych źviestak, prahałasavali 2,48% i 3,5% biełaruskich vybarščykaŭ.
Takim čynam, na pasadu prezidenta Biełarusi pretendujuć 15 čałaviek.