Rasija ratyfikavała pahadnieńnie pa mytnych pošlinach u miežach Mytnaha sajuza

Prezident Rasii Dźmitryj Miadźviedzieŭ padpisaŭ zakon ab ratyfikacyi pahadnieńnia, jakoje vyznačaje padstavy, umovy i paradak źmianieńnia terminaŭ vypłaty mytnych pošlin u suviazi z farmiravańniem pravavoj bazy Mytnaha sajuza Rasijskaj Fiederacyi, Kazachstana i Biełarusi, paviedamlaje 8 kastryčnika pres-słužba Kramla.

Dakumient byŭ padpisany ŭ Sankt-Pieciarburhu 21 maja hetaha hoda. Jon zaklikany zabiaśpiečyć uzhodnienuju palityku ŭ śfiery vyličeńnia i vypłaty mytnych pošlin na adzinaj terytoryi Mytnaha sajuza.

Fiederalny zakon pryniaty Dziaržaŭnaj dumaj 24 vieraśnia i ŭchvaleny Savietam Fiederacyi 29 vieraśnia.

«Pahadnieńnie ŭtrymlivaje praviły inšyja, čym praduhledžany zakanadaŭstvam RF, i padlahaje ratyfikacyi ŭ adpaviednaści z padpunktam «a» punkta 1 artykuła 15 Fiederalnaha zakona «Ab mižnarodnych dahavorach RF», — havorycca ŭ paviedamleńni.

Kamientary da artykuła