Nobieleŭskuju premiju miru atrymaŭ kitajski dysident Lu Siaobo

dadadziena

Lu Siaobo ŭ śniežni 2009 hoda byŭ asudžany na 11 hadoŭ turmy za raspaŭsiud «Chartyi-08» .

Lu Siaobo, fota dw-world.de

Pra heta było abjaŭlena siońnia na pres-kanfierencyi Nobieleŭskaha kamiteta.

Nahadajem, što niekalki tydniaŭ tamu Vacłaŭ Havieł zaklikaŭ nobieleŭski kamitet prysudzić premiju mienavita Lu Siaobo.

U śniežni 2008 h. hrupa 303 kitajskich aktyvistaŭ, jurystaŭ, intelektuałaŭ, navukoŭcaŭ, adstaŭnych dziaržaŭnych słužboŭcaŭ, rabotnikaŭ i sialanaŭ vystupiła z ułasnym manifiestam pad nazvaj «Chartyja-08», damahajučysia kanstytucyjnaha ŭrada, vykanańnia pravoŭ čałavieka dy inšych demakratyčnych reformaŭ. Jon byŭ apublikavany na 60-ja ŭhodki Usieahulnaj dekłaracyi pravoŭ čałavieka.

Hałoŭnym aŭtaram «Chartyi-08» byŭ Lu Siaobo (nar. u 1955 h.), jaki raniej adsiedzieŭ 5 hadoŭ u turmie

za padtrymku antyŭradavych pratestaŭ na płoščy Ciańańmeń u Piekinie ŭ 1989.

Za raspaŭsiud «Chartyi-08» ułady KNR aryštavali Lu Siaobo ŭ červieni 2009 hoda i asudzili na 11 hadoŭ turmy. Dysident adbyvaje hetaje pakarańnie ŭ turmie na poŭnačy krainy.

Lu Siaobo — piśmieńnik, byŭ staršyniom kitajskaha PEN-centra, naminavany na Nobieleŭskuju premiju byŭ Vacłavam Haŭłam, Dałaj Łamam, Andre Hluksmanam, Karłam Švarcenbierham, Desmandam Tutu, Majkłam Muram i Hryhoryjem Jaŭlinskim.

Kamientary da artykuła