U pačatku nastupnaha tydnia — mokry śnieh

Prahnoz nadvorja na 11–13 kastryčnika.

Pavodle prahnozu Respublikanskaha hidramieteacentra, u načnyja hadziny 9 i 10 kastryčnika na bolšaj častcy terytoryi krainy zachavajucca zamarazki da 0 — minus 5°C. 11–13 kastryčnika čakajecca chałodnaje z apadkami nadvorje, miescami projdzie mokry śnieh.

U najbližejšyja sutki, 9 kastryčnika, pa Biełarusi biez apadkaŭ. Nočču i ranicaj u asobnych rajonach słaby tuman. Viecier paŭnočna-ŭschodni, nočču słaby, dniom 4–9 m/s. Nočču na bolšaj častcy terytoryi zamarazki 0 — minus 5°S, miescami tempieratura pavietra plus 1–3°S, dniom plus 7–13°S.

U nastupnyja dvoje sutak pa krainie čakajecca pieramiennaja vobłačnaść. 10 kastryčnika pieravažna biez apadkaŭ. Viecier paŭnočna-ŭschodni, paŭnočny 3–8 m/s. Nočču na bolšaj častcy terytoryi zamarazki 0 — minus 5°S, u paŭdniova-ŭschodnich rajonach tempieratura pavietra plus 1–4°S, dniom plus 8–13°S. 11 kastryčnika vobłačna z prajaśnieńniami.

Nočču pa poŭnačy, dniom miescami, pieravažna pa ŭschodniaj pałovie, karotkačasovyja apadki (doždž, mahčymy mokry śnieh).

Viecier paŭnočna-zachodni 5–10 m/s, dniom va ŭschodnich rajonach paryvy da 15–18 m/s. Tempieratura pavietra nočču minus 3 — plus 3°S, dniom plus 3–10°S.

Zaŭtra ŭ Minsku biez apadkaŭ. Viecier paŭnočna-ŭschodni, nočču słaby, dniom 4–9 m/s. Nočču zamarazki da 0 — minus 2°S, dniom tempieratura pavietra plus 9–11°S.

10 kastryčnika ŭ stalicy biez apadkaŭ. Viecier paŭnočna-ŭschodni 3–8 m/s. Tempieratura pavietra nočču 0 — minus 2°S, dniom plus 10–12°S.

Kamientary da artykuła