U Minsku zatrymany złodziej, jaki kraŭ rečy z dziciačych kalasak u paliklinicy
31-hadovy minčanin, raniej nieadnarazova sudzimy, padazrajecca ŭ kradziažach, učynienych u dziciačaj paliklinicy na vulicy Nikifarava ŭ Minsku. Pieršamajskim RUUS u dačynieńni da jaho raspačata sprava na padstavie č. 2 art. 205 KK (kradziež).
Jak paviedamili ŭ adździele infarmacyi i hramadskich suviaziaŭ HUUS Minharvykankama, apieratyŭniki sačyli za złodziejem niekalki tydniaŭ i tolki hetymi dniami zdoleli jaho zatrymać.
Prychodziačy ŭ palikliniku, złamyśnik chadziŭ pa pavierchach i kalidorach, pryhladajučysia da dziciačych kalasak i ich haspadaroŭ. Jak tolki baćki ź dziciem zachodzili da doktara, jon, nie pryciahvajučy ŭvahi, abšukvaŭ kišeni, sumki, dziciačyja rečy.
Zabiraŭ usio, što znachodziŭ cennaje: kašalki, mabilnyja telefony, ličbavyja fotaaparaty.
Praviarajecca dačynieńnie zatrymanaha da padobnych złačynstvaŭ u inšych miedycynskich ustanovach horada.