Luksiemburh — Biełaruś — 0:0

Nu što skazać, nu što skazać? Prynamsi da viečara suboty, razam z ałbancami, zastalisia liderami hrupy. Ałbanija - Bośnija - 1:1.

Paśla fiejeryčna-vypadkovaj pieramohi nad francuzami (0:1) i biezudarnaj ničyi z rumynami (0:0), biełarusy zhulali ŭničyju ź Luksiemburham (0:0), suciašaje, što ŭ haściach:)

Abaronu maleńkaj, hordaj krainy-hiercahstva padapiečnym Biernda Štanhie ŭskryć tak i nie ŭdałosia. Dzieści biazzuba hladzielisia forvardy, niedzie vyručyŭ hałkipier Žubier, u čymści nie chapiła šancavańnia. Praŭda, i luksiemburžcy nie viali partyzanska-rejkavuju vajnu, a zrabili niekalki vyłazak u tył voraha (nanieśli paru ŭdaraŭ pa varotach Žaŭnova).

Na 70-j chvilinie za foł u napadzieńni (h.zn. la čužych varot) čyrvonuju kartku zarabiŭ Siarhiej Karnilenka.

Cikava, što sa zbornymi z małymi pa płoščy krain (jazyk nie pavaročvajecca ich nazyvać karlikami), ź Luksiemburham u biełarusaŭ najhoršy vynik. 5 hulniaŭ, ź ich 2 pieramohi, dźvie ničyi (pieršaja — 11 kastryčnika 1995, 0:0, druhaja — siońnia) i pamiatnaja paraza ŭ Homieli 13 kastryčnika 2007 hoda (za časami Štanhie) — 0:1.

Mistyka ci heta našaje miesca ŭ jeŭrapiejskim futbolnym rejestry?

***

Statystyka

Luksiemburh (Luksiemburh), stadyjon Žazi Bartel, 8 kastryčnika. 21:15.

Biełaruś: Žaŭnoŭ (kapitan), Kulčy, Martynovič, Kałačoŭ, Jurevič (Mołaš, 87), Ciharaŭ (Puciła, 67), Amieljančuk, Karnilenka, V.Hleb (Radzivonaŭ, 67), Kiślak, Šytaŭ.

Luksiemburh: Žubier, Kincyhier, Blez, Chofmann, Šnel, Pieters (K), Laterca, Bietmier (Žersan, 63), Pajal (Kietenmejer, 77), Leviek, Žaakim (Da Mota, 66-ja).

Hałoŭny sudździa: Alaksandar Staŭreŭ (Makiedonija).

Papiaredžańni: Kulčy (59-ja) Kincyhier (74-ja), Kałačoŭ (74-ja)

Vydaleńnie: Karnilenka (70-ja).

udary pa varotach: 10:17 (u stvor -- 5:6),

vuhłavyja: 0 - 4

***

Siońnia ŭ našaj hrupie «D» prajšoŭ jašče matč:

hulali zbornyja Ałbanii i Bośnii, i tut taksama była zafiksavana ničyja, praŭda, halavaja — 1:1.

Na ŭdar Viedada Ibiševiča ałbancy adkazali trapnym strełam Kładzijana Duru, što vystupaje za aŭstryjski ŁASK.

u subotu, 9 kastryčnika, u Paryžy zhulajuć zbornyja Francyi i Rumynii.

A pakul Biełaruś i Ałbanija zachoŭvajuć liderstva ŭ hrupie.

«D» na viečar piatnicy: Biełaruś — 5 (3 hulni, 1 pieramoha, 2 ničyi, roźnica miačoŭ 1-0), Ałbanija — 5 (3 - 1, 2, 0, roźnica miačoŭ 3-2), Bośnija — 4 (3 hulni), Francyja — 3 (2), Rumynija — 2 (2), Luksiemburh — 1 (3).

12 kastryčnika (aŭtorak) Biełaruś zhulaje doma z Ałbanijaj. Matč projdzie ŭ Minsku na «Dynama», pačatak, a 20:30

U hety ž dzień Francyja prymie Luksiemburh.

Kamientary da artykuła