«Recha cišyni»
15 kastryčnika ŭ Nacyjanalnym mastackim muziei Biełarusi ŭ Minsku adkryŭsiasacyjalna-mastacki prajekt «Recha cišyni».
U im spałučajecca dziciačaja tvorčaść i pracy viadomaha fotamastaka. Na vystavie pradstaŭleny 28 piejzažaŭ, naciurmortaŭ i kampazicyj dziaciej ź ciažkimi parušeńniami słychu — vychavancaŭ tvorčaj majsterni «Farba» pry Minskaj śpiecyjalizavanaj škole № 14, a taksama 44
Adkryvajučy ekspazicyju, dyrektar NMM Uładzimir Prakopcaŭ nazvaŭ vystavu «ŭnikalnaj i adnym z samych znakavych prajektaŭ hoda, pakolki muziej — heta nie tolki vystavy vialikich mastakoŭ, ale i sacyjalnaja ŭstanova, jakaja naležyć usim, u tym liku i ludziam z abmiežavanymi mahčymaściami». Voś čamu supracoŭniki muzieja z asablivaj uvahaj rychtavali hety prajekt, kab dastavić talenavitym dzieciam i ich nastaŭnikam radaść ad mahčymaści być pradstaŭlenymi ŭ chramie mastactvaŭ. Dyrektar muzieja vykazaŭ padziaku ŭsim udzielnikam prajekta, asabliva jaho aŭtaram.
Kuratar prajekta Natalla Silickaja adznačyła, što pracy dziaciej — «heta maleńkija pulsacyi ŭnutranaha śvietu, jakija razam stvarajuć mocny malaŭničy akord». Pavodle jaje słoŭ, na kožnaj fatahrafii Baciukovaj «čutny hałasy śvietu, u jakim žyvuć dzieci». «Mastak zachavała paŭsiadzionnaje žyćcio i znosiny dziaciej, u jakich niama huku. Adnak dyjałohi dziaciej napoŭnienyja sensam i značeńniem. I pierad hledačom uźnikaje adušaŭlony vobraz cišyni, stvorany fatohrafam», — adznačyła Silickaja. Pavodle jaje słoŭ, prajekt dazvalaje ŭbačyć uzajemapraniknieńnie dvuch vidaŭ vizualnaha mastactva — vyjaŭlenčaha i fatahrafii, abjadnanych ahulnaj idejaj.
Kiraŭnik majsterni «Farba» Dźmitryj Jarmiłaŭ vykazaŭ padziaku za padtrymku tvorčaj akcyi pasolstvu ZŠA ŭ Biełarusi i miascovamu dabračynnamu fondu
Paśla zaviaršeńnia cyrymonii adkryćcia vystavy ŭsim jaje junym udzielnikam byli ŭručany padarunki.
Vystava pracuje da 27 kastryčnika.