Vysokaprafiesijnyja roliki Niaklajeva
Za tydzień da vybaraŭ u bajnecie źjaviłasia adrazu niekalki videarolikaŭ, jakija ahitujuć za Uładzimira Niaklajeva i zaklikajuć vyjści na Płošču 19 śniežnia.
Karotkija roliki, praciahłaściu ad 16 siekundaŭ da chviliny, prafiesijna zroblenyja, adrazu raźlacielisia pa błohach i sacyjalnych sietkach.
Na aficyjnym sajcie Uładzimira Niaklajeva śćviardžajecca, što videa było zroblenaje prafiesijanałami-dobraachvotnikami, jakija prosta zachacieli dapamahčy štabu.
Adzin z rolikaŭ zaklikaje biełarusaŭ pryjści 19 śniežnia na Płošču, kab vykazać tam svajo staŭleńnie da ŭłady.
Inšy pabudavany na raźbivańni našaj prychilnaści da ŭsiaho staroha. Takim čynam jaho aŭtary chacieli pakazać, što i staroha prezidenta čas zamianić na novaha.
Narešcie treci, i samy emacyjny. U jaho asnovu loh vierš, napisany Niaklajevym admysłova pad vybarčuju kampaniju 2010.