Za 11 miesiacaŭ 2010 hoda zarehistravana kala 130 tysiač złačynstvaŭ

Jak paviedamiła ŭpraŭleńnie infarmacyi i hramadskich suviaziaŭ MUS, takija danyja pryvioŭ 15 śniežnia na sustrečy sa studentami Minskaha dziaržaŭnaha linhvistyčnaha ŭniviersiteta namieśnik ministra ŭnutranych spraŭ Jaŭhien Połudzień.

«U Biełarusi na 100 tysiač nasielnictva prypadaje 1.344 złačynstvy, pry hetym u Polščy na takuju ž kolkaść čałaviek — 3.000», — skazaŭ jon. Prablemaj, pavodle słoŭ namieśnika ministra, źjaŭlajecca rasśledavańnie kradziažoŭ. Raskryvajecca tolki kožnaje druhoje padobnaje złačynstva.

Jaŭhien Połudzień zakranuŭ taksama temu narkamanii, asabliva aktualnuju ŭ maładziožnym asiarodździ. Jon adznačyŭ, što na ŭliku stajać 12.000 narkamanaŭ, jašče 2.000 — ananimna. «U respublicy zafiksavana bolš za 4 tysiačy złačynstvaŭ, źviazanych z narkotykami, ź ich 20% učyniajecca navučencami VNU i inšych navučalnych ustanoŭ», — padkreśliŭ namieśnik ministra.

Asablivaja ŭvaha na sustrečy było nadadziena prablemie pjanstva. U stanie ałkaholnaha apjanieńnia ŭčyniejajecca kala 30.00 złačynstvaŭ, zatrymlivajecca 50.000 vadzicielaŭ. «Štohod prykładna 1.000 žančyn nakiroŭvajucca ŭ lačebna-pracoŭnyja prafiłaktoryi, na žal, bolšaść ź ich nie stanoviacca na šlach vypraŭleńnia», — kanstatavaŭ namieśnik ministra ŭnutranych spraŭ.

Połudzień nahadaŭ, što 23 lutaha 2010 hoda nabyła moc zabarona na raśpivańnie piva na vulicy. Za viasieńnie-letni pieryjad było zatrymana 25.000 pravaparušalnikaŭ. Hałoŭnaja meta hetaj zabarony — pavialičyć «kulturu pićcia», a nie štrafavać usich padrad.

Akramia taho, paviedamiŭ jon, za apošnija piać hadoŭ źniziłasia kolkaść złačynstvaŭ siarod niepaŭnaletnich.

Kamientary da artykuła