15 śniežnia pad Minskam adbylisia pieramiaščeńni vajskovaj techniki
Minabarony: štatnaja situacyja.
Ministerstva abarony Biełarusi rastłumačyła, čym było vyklikana pierasoŭvańnie vajennaj techniki viečaram 15 śniežnia pablizu ad stalicy.
Kałona bronietransparcioraŭ i hruzavikoŭ z vajennasłužačymi była zaŭvažana na trasie Minsk — Maskva. Technika ruchałasia ŭ bok biełaruskaj stalicy. Uźnikli mierkavańni, što heta źviazana z praviadzieńniem u hety dzień u prezidenta narady pa pytańniach biaśpieki ŭ pieryjad praviadzieńnia vybaraŭ.
Jak zajaviła pres-słužba Ministerstva abarony, viečaram 15 śniežnia ŭ punkt pastajannaj dysłakacyi ŭ rajonie Uručča z palavoha vychadu z Barysaŭskaha palihona viartalisia technika i asabovy skład adnaho z padraździaleńniaŭ 120-j asobnaj miechanizavanaj bryhady.