BATE — «Livierpul», «Ajaks» ci «Zienit»

Chto trapicca BATE ŭ plej-of Lihi Jeŭropy? Užo viadomyja 13 z 15-ci mahčymych supiernikaŭ.

Zaŭtra, u piatnicu, u Šviejcaryi projdzie losavańnie raŭndu plej-of Lihi čempijonaŭ (1/8 finału)i Lihi Jeŭropy (1/16 finału). Abodva mierapryjemstvy budzie tranślavać telekanał «Jeŭrasport» u žyvym efiry.

A 13-j projdzie losavańnie Lihi čempijonaŭ, a 14-j — losavańnie 1/16 finału Lihi Jeŭropy, matčy jakoj projduć 17 i 24 lutaha.

Pakolki ŭ svajoj hrupie «Je» BATE finišavała na 2-m miescy, to na stadyi plej-of joj trapicca

abo kamanda, što pieršynstvavała ŭ svajoj adboračnaj hrupie, abo adna z čatyroch kamandaŭ z najlepšym rejtynham, što finišavali na 3-m miescy ŭ hrupavym turniry ŁČ. Heta nastupnyja čatyry kamandy: maskoŭski «Spartak», partuhalskaja «Braha», hałandskija «Ajaks» i «Tviente».

Viadomyja taksama 9 z 11 kamandaŭ, što zaniali pieršyja miescy ŭ svaich hrupach u Lizie Jeŭropy (kijeŭskaje «Dynama» nam nie trapicca):

partuhalskija «Portu», «Sportynh», ispanski «Viljareał», anhlijski «Livierpul», francuzski PSŽ, niamieckija «Bajier» i «Štuthart», rasijskija CSKA i «Zienit»,

a taksama «Mančestar Sici»/abo poznanski «Lech», abo PSV Ejndchovien/«Mietalist» Charkaŭ. Jakija kłuby z hetych dźviuch paraŭ pretendentaŭ, stanie viadoma siońnia viečaram.

BATE pieršy matč praviadzie doma 17 lutaha. Matč u adkaz — 24 lutaha.

Kamientary da artykuła