U izalatary ŭ Žodzinie nie prymajuć ježu, u Minsku - ježu i napoi
U žodzinski izalatar dazvalajuć pieradavać tolki ciopłyja rečy, sok, cyharety, srodki hihijeny. Prymajuć tolki z 14 da 17.
Cyharety biaruć nie bolš za adzin błok.
Daviedacca ab ludziach, jakija znachodziacca ŭ izalatary ŭ Žodzinie, možna pa numary 80177533444.
U izalatary na vuł. Skaryny, 20 ŭ Minsku nie prymajuć napoi i ježu.
«Uvaha: nijakaj ježy, pitva, navat vady i sokaŭ, ni ŭ jakim vyhladzie nie biaruć. Maŭlaŭ, tam u ich jość kranik, vady chapaje. Taksama nielha nijakich cydułak, podpisaŭ na paštoŭkach, paprostu piśmovych paviedamleńniaŭ. Možna knihi. Možna ciopłyja rečy, ale ŭsio pa adnym. Tamu kali niesiacie 2 švedry, to pišycie: adzin švedr, adzin džempier i da t.p. Škarpetak možna 2 pary, bializny - 1 paru. Majecca na ŭvazie za adnu pieradaču. Možna cyharety (vyciahnutyja z pačkaŭ i vysypanyja ŭ pakiecik), zapałki (nie zapalnički), błaknoty, asadki, ałoŭki. Hihijeničnyja srodki, ručniki. Spalniki, koŭdry, kurtki. Niekatoryja miedykamienty (najlepš kompleksnyja vitaminy)...», - napisaŭ u svaim błohu Siarhiej Smatryčenka.
U izalatar na Akreścina možna pieradać vopratku, abutak, srodki hihijeny, cyharety, zapałki, litaraturu.
Tut možna spampavać błank zajavy na pieradaču, kab zapoŭnić zahadzia.