Čempijonka pa karate adchryściłasia ad ŭdziełu ŭ apazicyi, abyšłasia štrafam

«My z mužam prahałasavali ŭ rajonie 19.30 i vyrašyli schadzić pa płošču panazirać».

12-razovaja čempijonka śvietu pa karate Śviatłana Vilkina tłumačyć svajo zatrymańnie 19 śniežnia padčas akcyi ŭ Minsku «poŭnym nieparazumieńniem».

20 śniežnia šerah internet-resursaŭraspaŭsiudzili infarmacyju pra zatrymańnie Vilkinaj, jaje muža Andreja, zasłužanaha treniera Biełarusi, i ich 25-hadovaha syna. Pavodle słoŭ siabroŭki Vilkinaj, viadomaja spartsmienka pajšła na akcyju śviadoma, jaje, nibyta, «nie zadavalniała, jak prachodziła daterminovaje hałasavańnie».

U suviazi z hetym

Śviatłana Vilkina, jakaja była vyzvalenaja 20 śniežnia paśla administracyjnaha suda Pieršamajskaha rajona i aštrafavanaja za ŭdzieł u akcyi, raspaŭsiudziła nastupnuju zajavu:

«Ja, Vilkina Śviatłana Barysaŭna, prašu nie rabić jakich-niebudź vysnoŭ z artykuła, jaki vyjšaŭ 20.12.2010 bo infarmacyja była paviedamlena niapravilna słovami majoj znajomaj,

jakaja paddałasia panicy,

kali nie mahła mnie datelefanavacca.

19 śniežnia my z mužam prahałasavali ŭ rajonie 19.30 i vyrašyli schadzić pa płošču panazirać za abstanoŭkaj na vulicy. Było šmat ludziej. My ŭbačyli syna i padyšli da jaho. My apynulisia siarod vialikaj kolkaści ludziej. Zrazumieła, trymalisia razam. U vyniku apynulisia… nie doma, kudy źbiralisia viarnucca.

Liču ŭsio, što adbyłosia, poŭnym nieparazumieńniem.

Liču nieabchodnym prynosić karyść svajoj dziaržavie, svajmu narodu pracaj, prymaju z padziakaj usie mahčymaści dla raźvićcia.

Prašu nie stvarać vakoł mianie šumu ŭ internecie ŭ suviazi ź nibyta maimi vykazvańniami.

Chaču pracavać i raźvivacca ŭ majoj krainie, z maim narodam».

Kamientary da artykuła