Na adnym z vybarčych učastkaŭ Minska budzie praviedzieny pieralik biuleteniaŭ
Na vybarčym učastku № 104 Maskoŭskaha rajona Minska budzie praviedzieny pieralik biuleteniaŭ dla hałasavańnia. Pra heta paviedamiŭ sakratar Centrvybarkama Mikałaj Łazavik.
Pavodle jaho słoŭ, adpaviednaje rašeńnie pryniała 21 śniežnia Centralnaja kamisija. Pieralik biuleteniaŭ budzie prachodzić 22 śniežnia ŭ prysutnaści pradstaŭnikoŭ rajonnych i Minskaj haradskoj vybarčych kamisij.
Łazavik rastłumačyŭ, što nahodaj dla pieraliku biuleteniaŭ pasłužyli razychodžańni ŭ ich kolkaści.
«Praca kamisii na hetym učastku nasiła kanfliktny charaktar. Pradstaŭniki apazicyi, jakija ŭvachodzili ŭ kamisiju, a taksama źjaŭlalisia naziralnikami, sprabavali spravakavać skandał», — skazaŭ jon.
U toj ža čas Łazavik adznačyŭ, što pieralik hałasoŭ na adnym učastku nie zmoža paŭpłyvać na vyniki vybaraŭ u cełym pa krainie.