Rada ES abmiarkuje situacyju ŭ Biełarusi
Rada Jeŭrasajuza abmiarkuje situacyju ŭ Biełarusi ŭ studzieni 2011 hoda. Pra heta 21 śniežnia paviedamiła Maja Kačyjančyč —
«My zvyčajna abmiarkoŭvajem situacyju ŭ tych krainach, dzie prajšli vybary», — paviedamiła Kačyjančyč.
Adkazvajučy na pytańnie ab tym, ci pryviaduć padziei ŭ Minsku da pierahladu palityki ES u dačynieńni da Biełarusi, Kačyjančyč adkazała, što nie moža rabić zdahadak nakont hetaha.
Kačyjančyč paviedamiła, što pasiadžeńnie Rady ES projdzie pad staršynstvam Eštan.
20 śniežnia na padstavie zaklučeńnia mižnarodnych naziralnikaŭ Biuro pa demakratyčnych instytutach i pravach čałavieka (BDIPČ) i Parłamienckaj asamblei (PA) ABSIE Eštan zrabiła čarhovuju zajavu ab prezidenckich vybarach u Biełarusi.
«Na žal, tendencyja adnosnaha prahresu ŭ pieryjad vybarčaj kampanii nie zaviaršyłasia prazrystym i spraviadlivym vybarčym pracesam, — havorycca ŭ zajavie Eštan. — Asabliva sumna, što dzień hałasavańnia byŭ azmročany nasillem, jakoje ja rašuča asudžaju. U pryvatnaści, źbivańnie i zatrymańnie niekalkich lidaraŭ apazicyi, uklučajučy kandydataŭ u prezidenty, nieprymalnaje».
Eštan nahadała pra «palityku krytyčnaha ŭzajemadziejańnia», u ramkach jakoj ES prapanavaŭ Biełarusi pašyryć dvuchbakovyja adnosiny. Heta palityka, pavodle słoŭ Eštan, zaležyć ad pavahi pryncypaŭ demakratyi, viaršenstva zakona i pravoŭ čałavieka.