Maci Rymašeŭskaha: U kalidory KDB ja bačyła Ramančuka j Ciareščanku

Samoha Rymašeŭskaha pakidajuć pad vartaj na tydzień, paviedamiŭ advakat.

Samoha Rymašeŭskaha pakidajuć pad vartaj na tydzień, paviedamiŭ advakat. Pra heta raskazała karespandentu «Našaj Nivy» žonka kandydata ŭ prezidenty Nasta Rymašeŭskaja.

Jana raskazała, sa spasyłkaj na słovy advakata, što jaje muža dapytvali siońnia bolš za šeść hadzinaŭ (z 10:30 da 17:00), ale dopyt ničoha nie daŭ. Tym nie mienš, advakat zajaviła Naście Rymašeŭskaj, što jaje muž pakinuty pad vartaj na tydzień, a jaho los budzie zaležać ad pakazańniaŭ inšych zatrymanych.

U svaju čarhu maci Vitala Rymašeŭskaha raskazała NN, što siońnia padčas naviedvańnia budynka KDB (kab addać pieradaču synu) jana bačyła,

jak pa kalidorach budynka ŭ atačeńni ludziej u cyvilnym chadzili kandydaty ŭ prezidenty Jarasłaŭ Ramančuk i Viktar Ciareščanka.

Mahčyma, jany prachodziać u jakaści śviedkaŭ pa spravie inšych kandydataŭ u prezidenty.

Jana taksama paviedamiła, što da 80-hadovaj babuli Rymašeŭskaha, jakaja žyvie ŭ vioscy ŭ Babrujskim rajonie, naviedvalisia supracoŭniki śpiecsłužbaŭ i cikavilisia faktami z žyćcia ŭnuka.

Na pytańnie žančyny navošta im usio heta treba, jany adkazali,

što Vitala Rymašeŭskaha padazrajuć u tym, što sarvaŭ ściah ź sielsavieta.

Kamientary da artykuła