Były milicyjant Kłaskoŭski: Ja mocna kajusia
Videa
Jaho pakazańni vykładzienyja na sajcie HUUS.
Na sajcie HUUS siońnia vykładzienyja pakazańni byłoha milicyjanta Alaksandra Kłaskoŭskaha, što davaŭ adpor AMApaŭcam na Płoščy 19 śniežnia.
Kłaskoŭski pryznaŭsia, što byŭ vypiŭšy i paprasiŭ prabačeńnia ŭ milicyjantaŭ.
Alaksandr Kłaskoŭski pryznaŭsia, što apranuŭ milicejskuju formu, navierch kurtku i pajšoŭ na Płošču. A jašče pierad hetym vypiŭ śpirtnyja napoi.
«Paddaŭšysia zaklikam apazicyi, ja pryjšoŭ na Płošču. Uličvajučy, što ja byŭ pad uździejańniem ałkaholu, to paddaŭsia ejfaryi natoŭpu. Uziaŭ udzieł u masavych biesparadkach», — skazaŭ A.Kłaskoŭski.
Były milicyjant adznačyŭ, što byŭ na vastryni natoŭpu. Maŭlaŭ, ludzi pabačyli na im milicejskuju formu i sprabavali źbivać. «Ja pajšoŭ da łancuha śpiecnazu, kab vyratavacca. Pakazać, što ja na ich baku», — adznačyŭ jon.
Inšaje videa, udziełu Kłaskoŭskaha ŭ Płoščy, asprečvaje jahonyja papiarednija słovy. Bo razmaŭlaje ź śpiecnazaŭcami jašče budučy apranuty ŭ kurtku. I nichto jaho tudy nie šturchaje.
«Maje pavodziny byli nieadekvatnyja i hrubyja. Ja mocna kajusia i prašu prabačeńni ŭ supracoŭnikaŭ milicyi. Maje dziejańni byli idyjockimi», — zaznačyŭ jon.