Pucin pahavaryŭ ź Sidorskim pra haz i pra MAZ

Prem'jer-ministry Biełarusi i Rasii Siarhiej Sidorski i Uładzimir Pucin 24 śniežnia ŭ telefonnaj razmovie abmierkavali šerah pytańniaŭ dalejšaha raźvićcia handlova-ekanamičnaha supracoŭnictva pamiž dźviuma dziaržavami. Ab hetym paviedamiŭ karespandentu BIEŁTA pres-sakratar prem'jer-ministra Biełarusi Alaksandr Cimašenka.

«Prem'jer-ministry abmierkavali miery, jakija prymajucca ŭradami dźviuch krain pa bolš hłybokaj intehracyi ŭ ramkach Adzinaj ekanamičnaj prastory. U pryvatnaści, Siarhiej Sidorski ŭ razmovie z Uładzimiram Pucinym adznačyŭ, što Biełaruś užo ratyfikavała ŭvieś pakiet pahadnieńniaŭ pa farmavańni AEP», — skazaŭ Alaksandr Cimašenka.

Kiraŭniki ŭradaŭ taksama abmierkavali efiektyŭnaść dziejańniaŭ Biełarusi i Rasii pa pieraadoleńniu nastupstvaŭ suśvietnaha finansavaha kryzisu, u tym liku ŭ halinie aŭtamabilebudavańnia. «U suviazi z hetym Siarhiej Sidorski i Uładzimir Pucin abmierkavali mahčymaści bolš ciesnaj kaapieracyi i intehracyi pradpryjemstvaŭ aŭtamabilnaj pramysłovaści Biełarusi i Rasii. Heta datyčycca jak vytvorčaści hruzavych aŭtamabilaŭ, tak i vytvorčaści kamplektujučych dla lehkavych aŭtamabilaŭ», — adznačyŭ Alaksandr Cimašenka.

U čas telefonnaj razmovy prem'jer-ministry abmierkavali i pytańni farmavańnia cany na rasijski haz dla Biełarusi ŭ 2011 hodzie.

Kamientary da artykuła