Navumavu ŭ KDB pytalisia, ci byŭ u «Havary praŭdu» płan źviaržeńnia ŭłady
Aktyvistku kampanii «Havary praŭdu!» palitołaha Śviatłanu Navumavu siońnia dapytali ŭ KDB. Dopyt doŭžyŭsia dźvie z pałovaj hadziny.
— Zadavali pytańni adnosna taho, z kim ja supracoŭničała, z kim ja była znajomaja u kampanii, jakija byli zakliki ŭ kampanii, ci byŭ płan dziejańniaŭ pa źviaržeńni ŭłady. Pakul samy ahulny dopyt, — raspaviała Śviatłana Navumava.
Jana taksama dadała, što pakul prachodzić pa spravie ŭ jakaści śviedki.
— Śledčy vioŭ siabie vielmi karektna. Nijakaha cisku ja nie adčuła. Adnak u mianie skłałasia ŭražańnie, što śledčy zadavaŭ pytańni vielmi farmalna. Pavodle jaje słoŭ, hety dopyt, chutčej za ŭsio, byŭ nie apošnim.