Ivonka Surviła: «Pakul nie budzie vyzvaleny apošni palitviazień»
Zvyčajna ŭ hetyja dni Staršynia Rady BNR źviartajecca da biełarusaŭ z kaladnym vinšavańniem. Adnak hetym razam śviata azmročana niadaŭnimi padziejami, tamu i list Ivonki Surviły maje inšy charaktar.
«Darahija surodzičy na Baćkaŭščynie i ŭ Zamiežžy,
apošnimi dniami, u hety śviatočny čas Božaha Naradžeńnia biełaruski narod pieražyŭ jašče adnu balučuju bačynku svajoj historyi: zdradu, ździek i źniavahu pa vinie čałavieka, jaki nazyvaje siabie jahonym vybranym prezydentam.
Ad imia Rady Biełaruskaj Narodnaj Respubliki chaču vykazać hłybokaje spačuvańnie ŭsim achviaram nianaviści, jakaja raźjušyłasia na vulicach Miensku ŭ niadzielu 19 śniežnia 2010 hodu. Chaču zapeŭnić vas, što my — z vami, i što nie dazvolim śvietu zabycca pra vas až pakul nia budzie vyzvaleny apošni palitviazień.
Zaklikajem kožnaha biełarusa zapomnić žudasnyja padziei 19 i 20 śniežnia — toj atručany kaladny padarunak, jakija padrychtavali vam ludzi, što chočuć vami kiravać.
Jadnajciesia, darahija surodzičy. Nia bojciesia baranić bratoŭ i siostraŭ u biadzie! Nadyjšoŭ čas vykazać udziačnaść tym, chto da apošniaha zmahaŭsia za vas.
Salidarnymi, źjadnanymi, z Božaj dapamohaj, my zrobim našuju krainu ščaślivaj i zamožnaj. Budučynia za nami!
Žyvie Biełaruś i budzie žyć!»