Ambasadar Biełarusi vyklikany ŭ MZS Hiermanii
Ambasadar Biełarusi ŭ Harmanii Andrej Hiro 18 studzienia vyklikany ŭ MZS Hiermanii, dzie jamu było zajaŭlena pra absalutnuju biezhruntoŭnaść abvinavačvańniaŭ aficyjnaha Bierlina ŭ dačynieńni da «sproby dziaržpieravarota» ŭ Biełarusi ŭ kancy 2010 hoda,
paviedamlaje IA REGNUM
Nahadajem, abvinavačvańni Hiermanii i inšych krain u arhanizacyjnym finansavym dačynieńni da sproby dziaržaŭnaha pieravarotu byli apublikavany ŭ haziecie «SB».
Pavodle paviedamleńnia MZS Hiermanii, pazicyju aficyjnaha Bierlina pa vysunutych uładami Biełarusi abvinavačvańniam pradstaŭniku MZS RB ahučyła Patrycyja Fłor — upaŭnavažanaja MZS Hiermanii pa Ŭschodniaj Jeŭropie, Kaŭkazu i Centralnaj Azii. «Jana z usioj vyraznaściu padkreśliła, što padobnyja abvinavačvańni absalutna biezhruntoŭnyja. Na minułym tydni z anałahičnaj zajavaj užo vystupiŭ pradstaŭnik MZS FRH Andreas Piešcy», — paviedamlajuć hiermanskija ŚMI.
18 studzienia Patrycyja Fłor jašče raz daviała da pradstaŭnika MZS Biełarusi patrabavańnie ŭrada Hiermanii nieadkładna vyzvalić usich palitviaźniaŭ u Biełarusi i spynić palityčnyja represii. Jana taksama zaklikała aficyjny Minsk vykonvać standarty praŭ čałavieka i acharaktaryzavała rašeńnie ŭład RB začynić mienski ofis ABSIE «novym udaram pa pravavoj sistemie i pravam čałavieka» ŭ Biełarusi.