Ź lista Chalip: «Nie turbujciesia: ja nie ŭ pałonie, ja prosta nabyvaju novy dośvied»
Siońnia list ad dački atrymali jaje baćki.
Zaŭtra — miesiac ad momantu zatrymańnia balšyni apazicyjaneraŭ, abvinavačanych u nibyta «arhanizacyi masavych biesparadkaŭ» 19 śniežnia ŭ Minsku.
Siońnia list ad dački Iryny atrymała jaje maci Lucyna Jurjeŭna:
«Piša, što ŭsio dobra, nie turbujciesia pra mianie, spadziajusia na chutkuju sustreču, što biblijateka tam „vielmi dobraja“ i jana čytaje šmat. Naturalna, cikavicca synam, Danikam: što jon robić, što my jamu skazali pra jaje adsutnaść? Choć ja pra heta joj i pisała, vidać, nie atrymała naš list. Ja ŭ im pisała, što my skazali: ty źjechała daloka, ale chutka pryjedzieš. Nu i jašče napisała: „Nie turbujciesia, ja nie ŭ pałonie, ja prosta nabyvaju novy dośvied».
Aptymizm — nie aptymizm, ale ž my taksama pišam, što ŭsio dobra, my siabie dobra adčuvajem i Dania viasioły.
Vy ž razumiejecie, što treba takim čynam adzin adnaho padtrymlivać. Viadoma, ja ŭžo była ščaślivaja, što atrymała taki list, bo kolki dzion prajšło, a ni advakat nia bačyŭ, nichto nia bačyŭ».
Syn Andreja Sańnikava i Iryny Chalip Danik, photo.bymedia.net