Hałoŭny redaktar «Našaj Nivy» hościem na «Radyjo Svaboda»
Siońnia, 23 listapada, ad 14.00 da 15.00 na pytańni słuchačoŭ pa mienskim telefonie (8-017) 266-39-52 budzie adkazvać hałoŭny redaktar tydniovika «Naša Niva» Andrej Dyńko. Pytańni jamu možna zadavać i zahadzia: na kruhłasutačny telefon-aŭtaadkaźnik (8-017) 266-39-52, praz SMS (391-22-24) ci elektronnuju poštu rferl.minsk@gmail.com. Na hetym tydni vy možacie taksama zadać svaje pytańni na forumie «Svabody». Adkazy buduć vystaŭlenyja ŭ pačatku nastupnaha tydnia.
«Hość na Svabodzie» — Andrej Dyńko Radyjo Svaboda Siońnia, 23 listapada, ad 14.00 da 15.00 na pytańni słuchačoŭ pa mienskim telefonie (8-017) 266-39-52 budzie adkazvać hałoŭny redaktar tydniovika «Naša Niva» Andrej Dyńko. Pytańni jamu možna zadavać i zahadzia: na kruhłasutačny telefon-aŭtaadkaźnik (8-017) 266-39-52, praz SMS (391-22-24) ci elektronnuju poštu (rferl.minsk@gmail.com).
Adrazu paśla hetaj razmovy ŭ nieprystasavanym mienskim ofisie Partyi BNF projduć dźvie zapar viečaryny z nahody 100-hadovaha jubileju lehiendarnaj biełaruskaj hazety. Niahledziačy na ŭračystaść nahody, redakcyi nie ŭdałosia znajści ŭ stalicy zalu, što mahła b umiaścić usich achvotnych.
Na hetym tydni vy možacie taksama zadać svaje pytańni Andreju Dyńko na forumie «Svabody». Adkazy buduć vystaŭlenyja ŭ pačatku nastupnaha tydnia.
Andreju Dyńku 32 hady. Publicyst, aŭtar šerahu apaviadańniaŭ. Byŭ dyrektaram časopisu «Arche», vice-prezydentam Biełaruskaha PEN-centru, šeść apošnich hadoŭ uznačalvaje «Našu Nivu». Pierakładaje z anhielskaj, italjanskaj, polskaj, francuskaj, ukrainskaj movaŭ. Žanaty, maje syna Jakuba i dačku Ŭścińniu. Staŭ pieršym zamiežnikam, jakomu Vacłaŭ Haveł uručyŭ hanarovuju premiju imia Hano Elenbohien.
Dyńko: «Ja hanarusia tym, u čym biaru ŭdzieł. Dumaju, što siońnia ŭsio my robim pravilna. U cełym usio ŭ našaj Biełarusi idzie ŭ dobrym kirunku. Niahledziačy na prablemy, składanaści i varjactvy, jakija časam my pieražyvajem, ja peŭny, što praz 20 hadoŭ Biełaruś stanie jašče adnoj skandynaŭskaj krainaj. A «Naša Niva»… «Naša Niva» budzie vychodzić. Niahledziačy ni na što…»