U vojsku dźvie trahiedyi
Na Haradzienščynie na vučeńniach zahinuli dvoje sałdataŭ, jašče dvoje pakalečylisia. Heta druhi za hetuju vosień trahičny vypadak u našym vojsku: u vieraśni ŭ adnoj ź bieraściejskich častak sałdatu vybucham adarvała ruku.
Na Haradzienščynie na vučeńniach zahinuli dvoje sałdataŭ, jašče dvoje pakalečylisia. Heta druhi za hetuju vosień trahičny vypadak u našym vojsku: u vieraśni ŭ adnoj ź bieraściejskich častak sałdatu vybucham adarvała ruku.
Trahiedyja zdaryłasia 16 listapada na palihonie Hoža pad Horadniaj. Na planavych strelbach 6-j hvardziejskaj asobnaj mechanizavanaj bryhady adbyŭsia vybuch snaradu. U vyniku zahinuli 20-hadovy šarahoviec Alaksandar Kuleša i 21-hadovy siaržant Vital Laŭkievič. Praparščyk M.Kasianik i starejšy lejtenant T.Šaradok atrymali ranieńni i ciapier lažać u reanimacyi ŭ ciažkim stanie.
U vieraśni Bieraściejskaja mižharnizonnaja prakuratura taksama razhladała vypadak vybuchu, u vyniku jakoha 20-hadovamu sałdatu adarvała ruku, jašče dvuch jaho adnahodkaŭ paraniła. Heta zdaryłasia 20 vieraśnia ŭ 38-j asobnaj mabilnaj bryhadzie.