Rymašeŭski prapanuje bajkatavać rasijskija tavary
Z nahody zaklučeńnia z Rasijaj niavyhadnych dla Biełarusi kantraktaŭ na impart nafty i rasijskich zajavaŭ pa budaŭnictvie Biełaruskaj AES Vital Rymašeŭski zajaviŭ, što ŭ hetych umovach Biełaruś traplaje ŭ kabalnuju zaležnaść ad Rasii, paviedamlajepres-słužba BCHD.
U zajavie Rymašeŭski zaklikaje Jeŭropu i ZŠA pierahladzieć svaje pazicyi adnosna Biełarusi. Kaža, što źmianšeńnie finansavaj padtrymki, da jakoj zaklikajuć zaraz u Jeŭropie — drenny znak, jaki moža pryvieści da straty Niezaležnaści. A biełaruskaje hramadstva, na dumku Rymašeŭskaha, u składzienaj situacyi pavinna bajkatavać rasijskija tavary.
Zajava Vitala Rymašeŭskaha.
«Tyja tempy, ź jakimi Rasija pavialičvaje svaju prysutnaść na Biełarusi, pahražajuć niezaležnaści krainy, heta śmiarotnaja niebiaśpieka dla našaj Radzimy. Rasija moža stać inviestycyjnym manapalistam ŭ Biełarusi. A ŭ sučasnym śviecie strata ekanamičnaj niezaležnaści — samaja niebiaśpiečnaja dla krainy, moža pryvieści da straty suvierenitetu.
A budaŭnictva Rasijaj biełaruskaj AES biez kantrolu mižnarodnaj supiolnaści, nienadziejnyja rasijskija technałohii, tym bolš va ŭmovach zaklikaŭ da paskareńnia i pry kamunistyčnych padychodach da budaŭncitva — heta jašče i pahroza ekałahičnaj katastrofy.
U hetaj situacyi treba zaklikać Jeŭropu i ZŠA zaniać ćviorduju pazicyju adnosna dačynieńniaŭ Rasii i Biełarusi. U takich varunkach źmianšeńnie finansavaj padtrymki, da jakoj zaklikajuć zaraz u Jeŭropie — drenny znak. Demakratyčnyja krainy pavinny tak ža sama vostra reahavać na pahrozu straty niezaležnaści, jak i na adsutnaść demakratyi ŭ Biełarusi.
Biełaruskaje hramadstva ŭnutry krainy, na žal, nie moža zaraz istotna paŭpłyvć na ekanamičnyja pracesy, źviazanyja z Rasijaj. Patrebna, kab uzrovień śviadomaści i salidarnaści ŭ biełaruskim hramadstvie byŭ by takim, kab my mahli bajkatavać rasijskija tavary».