U Minsk znoŭ pryjedzie Kusturyca i No Smoking Orchestra
29 sakavika, Pałac sportu.
29 sakavika ŭ staličnym Pałacy sportu płanujecca kancert Emira Kusturycy i No Smoking Orchestra, paviedamili BiełaPAN arhanizatary vystupleńnia.
Jany zaznačajuć, što No Smoking Orchestra — adna z samych niezvyčajnych źjaŭ sučasnaj jeŭrapiejskaj muzyki. Ličycca, što "tvorčaść hurtu — heta svojeasablivaje źmiašeńnie tureckich maršaŭ, cyhanskich matyvaŭ, paŭdniovaamierykanskaha saŭnda, rytmaŭ kantry, zachodnich reminiscencyj, akardeonaŭ, nacyjanalnych hitar i inšych prykmietaŭ taho, što hurt nie paddajecca stylavoj kateharyzacyi".
Minskija hledačy ŭžo mieli mahčymaść paznajomicca z tvorčaściu hurtu. Upieršyniu No Smoking Orchestra daŭ kancert u Pałacy Respubliki ŭ śniežni 2008 hoda. Letaś suśvietna viadomy sierbski režysior Emir Kusturyca staŭ hanarovym hościem kinafiestyvalu "Listapad", pravioŭ sustrečy z prezidentam Biełarusi, sa studentami i žurnalistami. Łukašenka ŭručyŭ jamu adnu z hałoŭnych uznaharod fiestyvalu — śpiecyjalny pryz prezidenta "Za zachavańnie i raźvićcio tradycyj duchoŭnaści ŭ kinamastactvie".
Košt biletaŭ na kancert No Smoking Orchestra 29 sakavika ŭ Minsku
składzie ad 110 da 200 tys. rubloŭ.