Skrali aŭtobus, kab sutyknucca z dyzielem

U Bresckaj vobłaści nočču nieviadomyja ŭkrali z aŭtaparka aŭtobus i trapili na im u DTZ na čyhunačnym pierajeździe.

Jak paviedamili ŭ pres-słužbie Ministerstva transpartu i kamunikacyj, 27 studzienia z terytoryi vytvorčaj bazy filijała «Ivanava» AAT «Pinski aŭtobusny park» nieŭstanoŭlenymi asobami byŭ vykradzieny aŭtobus «Radzimič-A0921», pra što dziažurny miechanik filijała ŭ 5.20 paviedamiŭ u dziažurnuju słužbu MUS.

Pa haračych śladach zatrymać złamyśnikaŭ nie ŭdałosia.

Kala 6.45 ukradzieny aŭtobus, jakim kiravali nieŭstanoŭlenyja asoby, u 15 km ad Ivanava vyjechaŭ na čyhunačny pierajezd na ŭčastku darohi ad vioski Brodnica da vioski Juchnavičy, dzie adbyłosia sutyknieńnie z dyziel-ciahnikom.

Na miescy darožna-transpartnaha zdareńnia paciarpiełych nie znojdziena. Aŭtobus i ciepłavoz atrymali miechaničnyja paškodžańni. Nieŭstanoŭlenaja asoba, jakaja kiravała aŭtobusam, pakinuła miesca zdareńnia. Zaraz milicyjaj vydziecca vyšuk.

Kamientary da artykuła