Siońnia — sud nad Kabančukom u Minsku
Sud nad demakratyčnym aktyvistam, členam vybarčaha štabaeks-kandydata ŭ prezidenty Vitala Rymašeŭskaha Vadzimam Kabančukom pavinien adbycca 15 lutaha ŭ Minsku,
paviedamiła maci aktyvista babrujčanka Taisija Kabančuk.
Pavodle jaje słoŭ, 14 lutaha kala 19.00 Vadzim Kabančuk byŭ dastaŭleny ŭ Minsk, u SIZA pa vulicy Akreścina. Tam maci zatrymanaha paviedamili, što jaho sprava budzie razhladacca
15 lutaha ŭ sudzie Maskoŭskaha rajona stalicy.
Vadzim Kabančuk byŭ zatrymany viečaram 13 lutaha na pahranpierachodzie «Kamienny Łoh». U druhoj pałovie dnia aktyvist viartaŭsia ŭ Biełaruś aŭtobusam ź Vilni, dzie znachodziŭsia pa hramadskich spravach. Kabančuk vioz 100 biuleteniaŭ z materyjałami na ruskaj i biełaruskaj movach ab padziejach u krainie paśla prezidenckich vybaraŭ. Padčas mytnaha nadhladu biuleteni, vydadzienyja biełaruskimi demakratyčnymi strukturami za miežami krainy, byli znojdzieny i kanfiskavany na ekśpiertyzu sa składańniem adpaviednaha pratakoła.
Pozna viečaram Kabančuk byŭ adpraŭleny ŭ Ašmianski RAUS Hrodzienskaj vobłaści.