Azimyja mohuć lasnuć praz maroz

Uzmacnieńnie marozu na hetym tydni ŭjaŭlaje niebiaśpieku dla azimych pasievaŭ na poŭdni i zachadzie Biełarusi, dzie nazirajecca niedastatkovaje śniežnaje pokryva. Pra heta paviedamlajecca na aficyjnym sajcie respublikanskaha Hidramietcentra.

Pavodle infarmacyi sinoptykaŭ, u suviazi z ustalavańniem na terytoryi Biełarusi vielmi chałodnaha nadvorja ŭskładnilisia ahramietearałahičnyja ŭmovy dla pierazimoŭki sielskahaspadarčych kultur.

Pavodle apošnich źviestak, u Bresckaj, na značnaj terytoryi Hrodzienskaj i Homielskaj, u paŭdniovaj častcy Minskaj i ŭ paŭdniova-zachodnich rajonach Mahiloŭskaj abłaściej vyšynia śniežnaha pokryva hałoŭnym čynam nie pieravyšaje 1–5 sm, jość aholenyja ŭčastki. Tut u pieršuju čarhu moža paciarpieć najmienš marozaŭstojlivaja kultura — azimy raps.

U suviazi z hetym śpiecyjalisty departamienta pa hidramietearałohii praviaduć dadatkovyja nazirańni za tempieraturaj hleby na hłybini vuzła kuščeńnia azimych kultur. Heta dazvolić acanić niebiaśpieku marazoŭ dla pasievaŭ.

U paŭnočnych, centralnych i ŭschodnich rajonach paśla asłableńnia marazoŭ budzie praviedziena adhadoŭvańnie halinak pładovych nasadžeńniaŭ. U hetych rajonach nazirajecca dastatkovaje śniežnaje pokryva, zdolnaje abaranić pasievy azimych ad upłyvu nizkich tempieratur, adnak tut mahčymaje paškodžańnie pupyšak pładovych kultur, pieradusim nierajaniravanych sartoŭ.

Kamientary da artykuła