«Ukrtransnafta» pačała pierapampoŭvańnie azierbajdžanskaj nafty ŭ Biełaruś
«13 lutaha 2011 hoda ŭ adpaviednaści z pałažeńniem dahavora (pamiž „Ukrtransnaftaj“ i ZAT „Biełaruskaja naftavaja kampanija“) pačata pierapampoŭvańnie nafty ŭ napramkupryjoma-zdatačnaha punktu ŭliku enierhanośbitaŭ „Mazyr“ (Biełaruś)», — havorycca na sajcie «Ukrtransnafty».
Jak padkreślivajecca ŭ paviedamleńni, «Ukrtransnafta» pačała praktyčnuju realizacyju damoŭlenaściaŭ, dasiahnutych ź biełaruskim bokam na mižuradavym uzroŭni i na ŭzroŭni haspadarčych subjektaŭ pa transparciroŭcy nafty pa terytoryi Ukrainy ŭ Biełaruś z vykarystańniem naftapravoda Adesa — Brody i adnoj ź dźviuch nitak naftapravoda «Družba».
Takim čynam, Ukraina pačała ažyćciaŭlać rehularnyja pastaŭki kaśpijskaj nafty pa naftapravodzie Adesa — Brody ŭ aviersnym režymie.
Jak paviedamlałasia raniej, 29 studzienia hetaha hoda ŭ port Južny (Adeskaja vobłaść Ukrainy) prybyŭ pieršy tankier z azierbajdžanskaj naftaj dedvejtam kala 81 tys. ton.
Pavodle infarmacyi ŭkrainskaj kampanii, 11 lutaha ŭ marskim naftavym terminale «Piŭdenny» (Adeskaja vobłaść) byŭ pryniaty druhi tankier z azierbajdžanskaj naftaj dedvejtam 85 tysiač ton, jaki byŭ razhružany 12 lutaha.
Pryjom čarhovaha tankiera z azierbajdžanskaj naftaj dla jaje nastupnaj transparciroŭki pa nazvanym maršrucie čakajecca 14 lutaha.
Pastaŭki nafty z Azierbajdžana buduć ažyćciaŭlacca na padstavie damoŭlenaściaŭ pamiž ZAT «Biełaruskaja naftavaja kampanija», Dziaržaŭnaj naftavaj kampanijaj Azierbajdžana (SOCAR) i Vieniesuełaj. Azierbajdžanskaja nafta budzie zamiaščać vieniesuelskuju ŭ ramkach
Dahavor na prapampoŭvańnie nafty z vykarystańniem naftapravoda Adesa — Brody byŭ zaklučany pamiž ZAT «Biełaruskaja naftavaja kampanija» i AAT «Ukrtransnafta» 17 studzienia 2011 hoda ŭ Kijevie terminam na dva hady z nastupnaj jaho prałanhacyjaj pa pahadnieńni bakoŭ. U adpaviednaści z dahavoram, naftatranspartnaj sistemaj Ukrainy praduhledžana harantavanaja transparciroŭka 4 młn. ton lohkaj nafty štohod z vykarystańniem naftapravoda Adesa — Brody da biełaruskaha naftapierapracoŭčaha zavoda ŭ Mazyry, paviedamiła Minpaliŭenierha Ukrainy.
Andrej Kažamiakin, BiełaPAN.