Pryvitańnie apazicyi: Kastryčnickuju płošču začyniajuć na dva hady

Buduć budavać parkinh i rabić kvietniki.

Budaŭnictva parkinha pad Kastryčnickaj płoščaj pačniecca viasnoj. Padziemnaja aŭtastajanka budzie składacca z čatyroch pavierchaŭ i budzie hłybinioj 16 mietraŭ.

«Za asnovu my ŭziali dakumientacyju anałahičnaha zbudavańnia pad płoščaj Niezaležnaści, dzie taksama čatyry ŭzroŭni, ale častka adnaho ź ich addadziena pad handal, — raspaviała hałoŭny architektar prajektaŭ UP «Minskprajekt» Łarysa Zianova. — Naš abjekt raźličany na 620 mašyna-miescaŭ (pad płoščaj Niezaležnaści — 500). U parkinh možna budzie patrapić z vulicy Enhielsa, dzie źjavicca śpiecyjalnaja "kišeń" šyrynioj try i daŭžynioj prykładna 40 mietraŭ. Jana zojmie častku ciapierašniaj haściavoj aŭtastajanki. Avaryjny vyjezd praduhledžany z boku budynka muzieja historyi Vialikaj Ajčynnaj vajny.

Padniacca z padziemnaha haraža na płošču možna budzie pa čatyroch vychadach, jakija buduć iści simietryčna. Bližej da Pałaca Respubliki pa abodva baki praduhledžany dva lifty dla ludziej z abmiežavanymi mahčymaściami. Hetyja budynki razam ź vientylacyjnymi šachtami ŭpryhožać, pobač źjaviacca fantany i miescy adpačynku.

Kastryčnickuju zabrukujuć hranitam, upryhožać nievialikimi kvietnikami.

A siaredzina płoščy, jak i ciapier, zastaniecca volnaj dla śviatočnych hulańniaŭ (mitynhaŭ? -NN), jołki, katka.

Prajektnaja dakumientacyja budzie hatova ŭžo ŭ sakaviku. Śledam pačnucca padrychtoŭčyja pracy — vynas inžyniernych sietak z-pad płoščy.

Na čas budaŭnictva Kastryčnickuju zakryjuć śpiecyjalnaj aharodžaj, bo spačatku tut vyryjuć vialiki katłavan,

ustalujuć buranabiŭnyja pali z padpornaj ścianoj. Narmatyŭny termin budaŭnictva abjekta — dva hady.

Kamientary da artykuła