U Biełarusi adznačajuć Dzień pamiaci voinaŭ-internacyjanalistaŭ

15 lutaha 2011 hoda adznačajucca 22-ja ŭhodki z dnia vyvadu savieckich vojskaŭ z Afhanistana.

Paśla Vialikaj Ajčynnaj vajny Saviecki Sajuz braŭ udzieł bolš jak u 30 vajennych kanfliktach, samym maštabnym ź ich stała afhanskaja vajna. Zaraz jaje nazyvajuć pieršaj u najnoŭšaj historyi kontrterarystyčnaj apieracyjaj. Praz afhanskuju vajnu prajšli bolš za 30 tysiač uradžencaŭ Biełarusi, bolš za 700 zahinuli.

Jak paviedamiła pres-słužba Ministerstva abarony, sioleta va ŭzajemadziejańni z rehijanalnymi vykanaŭčymi kamitetami, arhanizacyjami voinaŭ-internacyjanalistaŭ, adździełami moładzi, ustanovami adukacyi, kiraŭnikami pradpryjemstvaŭ, pradstaŭnikami pravasłaŭnaj carkvy ŭ miescach dysłakacyi złučeńniaŭ i voinskich čaściej sił śpiecyjalnych apieracyj Uzbrojenych sił spłanavany kompleks uračystych mierapryjemstvaŭ.

U hety dzień va ŭsich harnizonach, dzie dysłakujucca voinskija čaści sił śpiecyjalnych apieracyj, projduć mitynhi, vajennasłužačyja ŭskładuć vianki da pomnikaŭ voinam-internacyjanalistam. Vajskoŭcy i vieterany Uzbrojenych sił, jakija vykonvali internacyjanalny abaviazak, vystupiać pierad vajennasłužačymi terminovaj słužby i va ŭstanovach adukacyi. U złučeńniach i voinskich čaściach projduć litaraturnyja i tematyčnyja ranišniki, zapłanavana naviedvańnie muziejaŭ bajavoj słavy.

U Minsku žałobnyja mierapryjemstvy projduć na Vostravie mužnaści i smutku.

Kamientary da artykuła